ಆಧಾರ್‌- ಪ್ಯಾನ್‌ ಲಿಂಕ್‌ ಆಗದಿದ್ರೆ ಪ್ಯಾನ್‌ ಕಾರ್ಡ್‌ ನಿಷ್ಕ್ರಿಯ

Team Udayavani, Dec 24, 2022, 7:56 PM IST

ನವದೆಹಲಿ:“2023ರ ಮಾರ್ಚ್‌ 31ರ ಒಳಗಾಗಿ ಆಧಾರ್‌ ಸಂಖ್ಯೆ ಮತ್ತು ಪ್ಯಾನ್‌ ನಂಬರ್‌ ಲಿಂಕ್‌ ಆಗಿರಬೇಕು. ಇಲ್ಲದೇ ಇದ್ದಲ್ಲಿ ಅಂಥ ಪ್ಯಾನ್‌ ಕಾರ್ಡ್‌ಗಳನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ.’

– ಹೀಗೆಂದು ಆದಾಯ ತೆರಿಗೆ ಇಲಾಖೆ ಶನಿವಾರ ಬಿಡುಗಡೆ ಮಾಡಿದ ಹೊಸ ಆದೇಶದಲ್ಲಿ ಮತ್ತೂಮ್ಮೆ ಸೂಚಿಸಿದೆ.

“ಯಾವುದು ಕಡ್ಡಾಯವೋ, ಅದು ಅಗತ್ಯ ಎಂದರ್ಥ. ಕೊನೆಯ ದಿನಕ್ಕಾಗಿ ಕಾಯಬೇಡಿ. ತಕ್ಷಣವೇ ಆಧಾರ್‌ ಮತ್ತು ಪ್ಯಾನ್‌ ನಂಬರ್‌ ಲಿಂಕ್‌ ಮಾಡಿ’ ಎಂದು ಅದರಲ್ಲಿ ಉಲ್ಲೇಖಿಸಲಾಗಿದೆ.

ಪ್ಯಾನ್‌-ಆಧಾರ್‌ ಲಿಂಕ್‌ ಮಾಡದೇ ಇದ್ದರೆ ಅಂಥವರಿಗೆ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆ ಮಾಡಲು ಸಾಧ್ಯವಾಗುವುದಿಲ್ಲ. ಜತೆಗೆ ವಿಲೇವಾರಿಗೆ ಬಾಕಿ ಇರುವ ರಿಟರ್ನ್ ಪ್ರಕ್ರಿಯೆ ಕೂಡ ಸ್ಥಗಿತಗೊಳ್ಳಲಿದೆ ಎಂದೂ ಇಲಾಖೆ ಹೇಳಿದೆ. ಜತೆಗೆ ಹೆಚ್ಚಿನ ಪ್ರಮಾಣದಲ್ಲಿ ತೆರಿಗೆ ಪ್ರಮಾಣವೂ ಕಡಿತಗೊಳ್ಳಲಿದೆ ಎಂದು ಆದೇಶದಲ್ಲಿ ಸೂಚಿಸಲಾಗಿದೆ.