ಎಪ್ರಿಲ್‌ನಲ್ಲಿ ಚಿನ್ನ ಆಮದು ಭಾರೀ ಕುಸಿತ ; ಮೂರು ದಶಕದಲ್ಲೇ ಕಡಿಮೆ

Team Udayavani, May 6, 2020, 7:15 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಜಗತ್ತಿನಲ್ಲೇ ಗರಿಷ್ಠ ಚಿನ್ನ ಬಳಸುವ ಎರಡನೇ ರಾಷ್ಟ್ರವಾಗಿರುವ ಭಾರತ, ಚಿನ್ನ ಆಮದು ಮಾಡಿಕೊಳ್ಳುವುದನ್ನು ತೀವ್ರ ಪ್ರಮಾಣದಲ್ಲಿ ಕಡಿಮೆ ಮಾಡಿದೆ.

ಏಪ್ರಿಲ್‌ನಲ್ಲಿ ಚಿನ್ನ ಆಮದು ಪ್ರಮಾಣ ಶೇ.99.9ರಷ್ಟು ನಿಂತುಹೋಗಿದೆ. ಇದು ಕಳೆದ 3 ದಶಕದಲ್ಲೇ ಅತಿ ಕನಿಷ್ಠ ದಾಖಲೆ. ಕೋವಿಡ್ ಕಾರಣ ವಿಮಾನಯಾನ ರದ್ದಾಗಿದ್ದು, ಚಿನ್ನದಂಗಡಿಗಳು ಬಾಗಿಲು ಹಾಕಿದ್ದೆಲ್ಲ ಇದಕ್ಕೆ ಕಾರಣ.

ಎಪ್ರಿಲ್‌ನಲ್ಲಿ 21 ಕೋಟಿ ರೂ. ಮೌಲ್ಯದ ಕೇವಲ 50 ಕೆಜಿ ಚಿನ್ನ ಮಾತ್ರ ಆಮದಾಗಿದೆ. ಕಳೆದ ವರ್ಷ ಇದೇ ತಿಂಗಳಲ್ಲಿ 110.18 ಟನ್‌ ಚಿನ್ನ ಆಮದಾಗಿತ್ತು!

ಬೆಲೆಯಿಳಿಕೆ: ಇನ್ನು ಎಂಸಿಎಕ್ಸ್‌ನಲ್ಲಿ (ಮಲ್ಟಿ ಕಮಾಡಿಟಿ ಎಕ್ಸ್‌ಚೇಂಜ್‌) ಚಿನ್ನದ ಬೆಲೆಯಲ್ಲಿ ಇಳಿಕೆಯಾಗಿದೆ. ಜೂನ್‌ ತಿಂಗಳ 10 ಗ್ರಾಮ್‌ ಚಿನ್ನದ ಬೆಲೆ 285 ರೂ. ಕಡಿಮೆಯಾಗಿ 45,522 ರೂ. ಮುಟ್ಟಿದೆ. ಜುಲೈ ತಿಂಗಳ 1 ಕೆಜಿ ಬೆಳ್ಳಿಯ ಬೆಲೆ 127 ರೂ. ಇಳಿಕೆಯಾಗಿ 41,117 ರೂ.ಗೆ ಮುಟ್ಟಿದೆ.