ಬಡ್ಡಿ ಮನ್ನಾ ಅಸಾಧ್ಯ

Team Udayavani, Jun 17, 2020, 8:24 AM IST

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ: ಸದ್ಯ ಕೋವಿಡ್ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಬ್ಯಾಂಕ್‌ಗಳಿಂದ ಪಡೆದ ಸಾಲದ ಮೇಲಿನ ಕಂತು ಪಾವತಿ ಮುಂದೂಡಿಕೆ ಮಾಡಲು ಆರ್‌ಬಿಐ ಅವಕಾಶ ನೀಡಿದೆ. ಆದರೆ ಈ ವೇಳೆ ಹಾಕ ಲ್ಪಡುವ ಬಡ್ಡಿ ಮನ್ನಾ ಮಾಡಲು ಸಾಧ್ಯವಿಲ್ಲ, ಅಥನ್ನು ಯಥಾ ವಿಧಿ ಕಟ್ಟಲೇಬೇಕು ಎಂದು ಭಾರತೀಯ ಬ್ಯಾಂಕ್‌ಗಳ ಒಕ್ಕೂಟ ಕೇಂದ್ರ ಸರ್ಕಾರಕ್ಕೆ ತಿಳಿಸಿದೆ. ಈ ಬಗ್ಗೆ ಸರ್ವೋಚ್ಚ ನ್ಯಾಯಾಲಯದಲ್ಲಿ ಬುಧವಾರ ವಿಚಾರಣೆಯಿದೆ. ನಾವು ಬಡ್ಡಿಯನ್ನು ಪಡೆದುಕೊಳ್ಳದೇ, ನಮ್ಮಲ್ಲಿ ಠೇವಣಿ ಇಟ್ಟಿರುವ ವ್ಯಕ್ತಿಗಳಿಗೆ ಹೇಗೆ ಹಣ ನೀಡಲು ಸಾಧ್ಯ ಎನ್ನುವುದು ಬ್ಯಾಂಕ್‌ಗಳ ಪ್ರಶ್ನೆ. ಒಂದು ವೇಳೆ 6 ತಿಂಗಳ ಅವಧಿಯ ಬಡ್ಡಿ ಮನ್ನಾ ಮಾಡಿದರೆ, ಬ್ಯಾಂಕ್‌ಗಳ ಆರ್ಥಿಕ ಆರೋಗ್ಯ ಹದಗೆಡುತ್ತದೆ ಎಂದು ಕೇಂದ್ರ ವಿತ್ತ ಸಚಿವಾಲಯ ಮತ್ತು ಆರ್‌ಬಿಐಗೆ ಬ್ಯಾಂಕ್‌ಗಳ ಸಂಘ ತಿಳಿಸಿದೆ.