ಷೇರು ಪೇಟೆಯಲ್ಲಿ ಕರಡಿ ಕಾಟ; ಹೂಡಿಕೆದಾರರಿಗೆ 4.23 ಲಕ್ಷ ಕೋ.ರೂ. ನಷ್ಟ

Team Udayavani, Sep 22, 2020, 1:04 AM IST

ಸಾಂದರ್ಭಿಕ ಚಿತ್ರ

ಮುಂಬಯಿ: ಎರಡನೇ ಹಂತದ ಕೊರೊನಾ ಸೋಂಕು ವ್ಯಾಪಕ ವಾಗಿ ಹರಡುತ್ತಿದೆ ಎಂಬ ಭೀತಿಯ ಹಿನ್ನೆಲೆಯಲ್ಲಿ ಬಾಂಬೆ ಷೇರು ಪೇಟೆ ಸಹಿತ ಜಗತ್ತಿನ ಪ್ರಮುಖ ಮಾರು ಕಟ್ಟೆಗಳು ಸೋಮವಾರ ಕುಸಿತ ಕಂಡಿವೆ.

ಬಾಂಬೆ ಷೇರು ಪೇಟೆಯಲ್ಲಿ ಹೂಡಿಕೆದಾರರಿಗೆ 4.23 ಲಕ್ಷ ಕೋಟಿ ರೂ. ನಷ್ಟ ಉಂಟಾಗಿದೆ. ಬಿಎಸ್‌ಇ ಸೆನ್ಸೆಕ್ಸ್‌ 811.68 ಅಂಕ ಮತ್ತು ನಿಫ್ಟಿ ಸೂಚ್ಯಂಕ 254.40 ಅಂಕ ಪತನವಾಗಿವೆ. ಐರೋಪ್ಯ ಒಕ್ಕೂಟ ಮತ್ತು ಇತರ ಭಾಗಗಳಲ್ಲಿ 2ನೇ ಹಂತದ ಸೋಂಕು ಆರಂಭವಾಗಿದೆ ಎಂಬ ಆತಂಕದ ಹಿನ್ನೆಲೆಯಲ್ಲಿ ಶಾಂಘೈ, ಹಾಂಕಾಂಗ್‌, ಸೋಲ್‌ನ ಷೇರು ಮಾರುಕಟ್ಟೆಗಳು ಪತನಗೊಂಡವು.

ಇಂಡಸ್‌ ಇಂಡ್‌ ಬ್ಯಾಂಕ್‌, ಟಾಟಾ ಮೋಟರ್ಸ್‌, ಹಿಂಡಾಲ್ಕೋ, ಐಸಿಐಸಿಐ ಬ್ಯಾಂಕ್‌, ಮಹೀಂದ್ರ ಆ್ಯಂಡ್‌ ಮಹೀಂದ್ರ, ಭಾರ್ತಿ ಏರ್‌ಟೆಲ್‌, ಆ್ಯಕ್ಸಿಸ್‌ ಬ್ಯಾಂಕ್‌, ಬಜಾಜ್‌ ಫೈನಾನ್ಸ್‌ ಷೇರು ಪತನಗೊಂಡವು. ಇನ್ಫೋಸಿಸ್‌, ಟಿಸಿಎಸ್‌, ಕೋಟಕ್‌ ಬ್ಯಾಂಕ್‌ ಷೇರುಗಳು ಮಾತ್ರ ಚೇತರಿಕೆ ಕಂಡವು. ಹೀಗಿದ್ದರೂ ಡಾಲರ್‌ ಎದುರು ರೂಪಾಯಿ 7 ಪೈಸೆ ಚೇತರಿಕೆ ಕಂಡು ದಿನಾಂತ್ಯಕ್ಕೆ 73.38 ರೂ.ಗಳಿಗೆ ಮುಕ್ತಾಯವಾಗಿದೆ.