ಮುಂಬಯಿ ಶೇರು ಗೆಲುವಿನ ಓಟ 8ನೇ ದಿನವೂ ಅಬಾಧಿತ

Team Udayavani, Nov 27, 2017, 5:02 PM IST

ಮುಂಬಯಿ : ಇಂದು ಸೋಮವಾರ ಮುಂಬಯಿ ಶೇರು ಪೇಟೆ ತನ್ನ ಎಂಟನೇ ದಿನದ ನಿರಂತರ ಗೆಲುವಿನ ಒಟವನ್ನು ಯಶಸ್ವಿಯಾಗಿ ನಡೆಸಿತು.

ದಿನದ ವಹಿವಾಟನ್ನು ಸೆನ್ಸೆಕ್ಸ್‌ 45.20 ಅಂಕಗಳ ಮುನ್ನಡೆಯೊಂದಿಗೆ 33,724.44 ಅಂಕಗಳ ಮಟ್ಟದಲ್ಲೂ, ನಿಫ್ಟಿ 9.80 ಅಂಕಗಳ ಮುನ್ನಡೆಯೊಂದಿಗೆ 10,399.50 ಅಂಕಗಳ ಮಟ್ಟದಲ್ಲೂ ಕೊನೆಗೊಳಿಸಿದವು. 

ಭಾರತದ ಸಾರ್ವಭೌಮ ಕ್ರೆಡಿಟ್‌ ರೇಟಿಂಗನ್ನು ಎಸ್‌ ಆ್ಯಂಡ್‌ ಪಿ ರೇಟಿಂಗ್‌ ಸಂಸ್ಥೆಯ ಯಥಾವತ್‌ ಉಳಿಸಿಕೊಂಡದ್ದು ಮುಂಬಯಿ ಶೇರು ಪೇಟೆಗೆ ನಿರಾಶೆ ಉಂಟು ಮಾಡಿತ್ತು. ಹಾಗಾಗಿ ಇಂದಿನ ಆರಂಭಿಕ ವಹಿವಾಟಿನಲ್ಲಿ  ಸೆನ್ಸೆಕ್ಸ್‌ ಮತ್ತು ನಿಫ್ಟಿ ಹಿನ್ನಡೆ ಕಂಡಿದ್ದವು.

ಆದರೆ ದೇಶೀಯ ಸಾಂಸ್ಥಿಕ ಹೂಡಿಕೆ ಸಂಸ್ಥೆಗಳು ಶೇರು ಖರೀದಿಯನ್ನು ನಿರಂತರವಾಗಿ ಕೈಗೊಂಡದ್ದೇ ಮುಂಬಯಿ ಶೇರು ಪೇಟೆಗೆ ಬೂಸ್ಟ್‌ ನೀಡಿತು. 

ಕಳೆದ ಏಳು ದಿನಗಳ ಗೆಲುವಿನ ಓಟದಲ್ಲಿ ಸೆನ್ಸೆಕ್ಸ್‌ 918.80 ಅಂಕಗಳನ್ನು ಸಂಪಾದಿಸಿದೆ.