ಮಾರುತಿ ಸುಜುಕಿಯ ಎಲ್ಲಾ ಕಾರುಗಳ ಆವೃತ್ತಿಗಳ ಬೆಲೆ ಏರಿಕೆ..!

Team Udayavani, Apr 21, 2021, 10:40 AM IST

ನವ ದೆಹಲಿ : ದೇಶದಾದ್ಯಂತ ಕೋವಿಡ್ ರೂಪಾಂತರಿ ಅಲೆ ಮತ್ತೆ ಏರಿಕೆ ಕಾಣುತ್ತಿದ್ದ ಹಿನ್ನೆಲೆಯಲ್ಲಿ ದೇಶದ ಅತ್ಯಂತ ದೊಡ್ಡ ಕಾರು ಉತ್ಪಾದಕ ಸಂಸ್ಥೆ ಮಾರುತಿ ಸುಜುಕಿ ತಾನು ತಯಾರಿಸುವ ಬಹುತೇಕ ಎಲ್ಲಾ ಕಾರುಗಳ ಬೆಲೆಯನ್ನು ಹೆಚ್ಚಳಗೊಳಿಸಿದೆ.

ಹೌದು, ದೇಶದಲ್ಲಿ ಇಂದು ಎಂತಹ ದೊಡ್ಡ ದೊಡ್ಡ ಕಾರು ಉತ್ಪಾದನಾ ಸಂಸ್ಥೆಗಳು ಬಂದರೂ ಕೂಡು ಮಾರುತಿ ಸುಜುಕಿ ದೇಶದಲ್ಲಿ ತನ್ನದೇ ಆದ ಹೆಜ್ಜೆಗುರುತನ್ನು ಇರಿಸಿ, ಕಾರು ತಯಾರಿಕಾ ದೈತ್ಯ ಎನ್ನಿಸಿಕೊಂಡಿರುವ ಮಾರುತಿ ಸುಜುಕಿ, ತನ್ನ ಕಾರುಗಳ ಪೈಕಿ ಬಹುತೇಕ ಎಲ್ಲಾ ಆವೃತ್ತಿಯ ಬೆಲೆಯನ್ನು ಏರಿಕೆ ಮಾಡಿದೆ.

ಇದನ್ನೂ ಓದಿ : ಉದಯವಾಣಿ ಫೇಸ್ ಬುಕ್ ಲೈವ್ ನಲ್ಲಿ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಮತ್ತು ಸ್ವರಾಜ್ ಶೆಟ್ಟಿ

ಇತ್ತೀಚೆಗಷ್ಟೇ ಈ ಬಗ್ಗೆ ಅಧಿಕೃತ ಘೋಷಣೆ ಪ್ರಕಟಿಸಿರುವ ಮಾರುತಿ ಸುಜುಕಿ ಸಂಸ್ಥೆ, ಪ್ರತಿ ಕಾರುಗಳ ಮೇಲೆ 22,500 ರೂಪಾಯಿಗಳನ್ನು ಏರಿಕೆ ಮಾಡಲಾಗುತ್ತದೆ ಎಂದು ತಿಳಿಸಿ ಅಚ್ಚರಿ ಮೂಡಿಸಿದೆ.

ಇನ್ ಪುಟ್ ಖರ್ಚುಗಳು ಹೆಚ್ಚಿರುವುದರಿಂದ ಅದನ್ನು ಸರಿದೂಗಿಸುವುದಕ್ಕಾಗಿ ಬೆಲೆ ಏರಿಕೆ ಮಾಡಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ.

ಆದರೆ ಸೆಲಾರಿಯೋ, ಸ್ವಿಫ್ಟ್ ಕಾರುಗಳಿಗೆ ಮಾತ್ರ ಬೆಲೆ ಏರಿಕೆ ಅನ್ವಯವಾಗುವುದಿಲ್ಲ ಎಂದು ಮಾರುತಿ ಸುಜುಕಿ ಸಂಸ್ಥೆ ತಿಳಿಸಿದೆ.

ಇನ್ನು, ದೆಹಲಿ ಶೋ ರೂಮ್ ಬೆಲೆ ಶೇ.1.6 ರಷ್ಟು ಏರಿಕೆಯಾಗಿದೆ. ಏ.17 ರಿಂದ ಈ ಏರಿಕೆಯ ಬೆಲೆ ಏರಿಕೆ ಜಾರಿಗೆ ಬಂದಿದೆ.

ಕಳೆದ ವರ್ಷ ಮಾರ್ಚ್ ನಲ್ಲಿ ಕೋವಿಡ್-19 ಕಾರಣದಿಂದಾಗಿ ವಾಹನ ಮಾರಾಟ ತೀವ್ರ ಕುಸಿದಿತ್ತು. ಸಂಸ್ಥೆ ನಷ್ಟ ಅನುಭವಿಸಿತ್ತು, ಅದನ್ನು ಸರಿದೂಗಿಸಲು ಸಂಸ್ಥೆ ಬೇಡಿಕೆಯ ನಡುವೆ ಬೆಲೆ ಏರಿಕೆಯ ನಿರ್ಧಾರಕ್ಕೆ ಮುಂದಾಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ : ‘ಪೆಪೆ’ಗೆ ಕಾಜಲ್‌ ಹೀರೋಯಿನ್‌!: ಫ‌ಸ್ಟ್‌ಲುಕ್‌ನಲ್ಲಿ ಗಮನ ಸೆಳೆದ ವಿಆರ್‌ಕೆ ಹೊಸಚಿತ್ರ