ಶೇರು ಕುಸಿತದ ನಷ್ಟ; 2 ದಿನ ಗುರುಗ್ರಾಮ್, ಮಾನೆಸರ್ ಮಾರುತಿ ಘಟಕ ಬಂದ್

Team Udayavani, Sep 4, 2019, 2:27 PM IST

ನವದೆಹಲಿ:ದೇಶದ ಅತೀ ದೊಡ್ಡ ಕಾರು ತಯಾರಿಕಾ ಕಂಪನಿಯಾದ ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್(ಎಂಎಸ್ ಐ) ಸೆಪ್ಟೆಂಬರ್ 7 ಮತ್ತು ಸೆ.9ರಂದು ಗುರುಗ್ರಾಮ್ ಮತ್ತು ಮಾನೆಸರ್ ಕಾರು ತಯಾರಿಕಾ ಘಟಕವನ್ನು ಬಂದ್ ಮಾಡಲು ನಿರ್ಧರಿಸಿರುವುದಾಗಿ ತಿಳಿಸಿದೆ.

ಹರ್ಯಾಣದ ಮಾನೆಸರ್ ಮತ್ತು ಗುರುಗ್ರಾಮ್ ಘಟಕದಲ್ಲಿ ಎರಡು ದಿನಗಳ ಕಾಲ ಯಾವುದೇ ಕಾರು ತಯಾರಿಕೆ ಕಾರ್ಯ ನಡೆಯುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಆರ್ಥಿಕ ಹಿಂಜರಿಕೆ ಹಿನ್ನೆಲೆಯಲ್ಲಿ ಶೇರುಪೇಟೆಯ ಸೆನ್ಸೆಕ್ಸ್ ಭಾರೀ ಪ್ರಮಾಣದಲ್ಲಿ ಕುಸಿತ ಕಂಡಿರುವುದು ಮಾರುತಿಗೂ ಬಿಸಿ ಮುಟ್ಟಿದ್ದು, ಕಂಪನಿಯ ಶೇರುಗಳು ಶೇ.2.36ರಷ್ಟು ಕುಸಿತ ಕಂಡಿರುವುದಾಗಿ ಹೇಳಿದೆ.

ಕಳೆದ ವರ್ಷ ಆಗಸ್ಟ್ ತಿಂಗಳಿನಲ್ಲಿ ಮಾರುತಿ 1,68,725 ಕಾರುಗಳನ್ನು ತಯಾರಿಸಿದ್ದು, ಈ ಬಾರಿ ಆಗಸ್ಟ್ ತಿಂಗಳಿನಲ್ಲಿ 111,370 ಕಾರುಗಳನ್ನು ತಯಾರಿಸಿದ್ದು, ಶೇ.37.7ರಷ್ಟು ಮಾರಾಟ ಪ್ರಮಾಣದಲ್ಲಿ ಇಳಿಕೆಯಾಗಿರುವುದಾಗಿ ಪ್ರಕಟಣೆಯಲ್ಲಿ ವಿವರಿಸಿದೆ.