ಎಚ್ಚರಿಕೆಯ ನಡೆ ತೋರಿದ ಮುಂಬಯಿ ಶೇರು ಪೇಟೆಗೆ 80 ಅಂಕ ನಷ್ಟ

Team Udayavani, Feb 27, 2017, 4:27 PM IST

ಮುಂಬಯಿ : ಮಾರ್ಚ್‌ ತಿಂಗಳ ವಾಯಿದೆ ವಹಿವಾಟನ್ನು ಎಚ್ಚರಿಕೆಯಿಂದ ಆರಂಭಿಸಿರುವ ಮುಂಬಯಿ ಶೇರು ಪೇಟೆ ಇಂದು ಸೋಮವಾರ ಏಶ್ಯನ್‌ ಶೇರು ಪೇಟೆಗಳಲ್ಲಿನ ದೌರ್ಬಲ್ಯವನ್ನು ಗಮನಿಸಿಕೊಂಡು ಅದೇ ಹಾದಿಯಲ್ಲಿ ಸಾಗಿ ದಿನದ ವಹಿವಾಟನ್ನು 80.09 ಅಂಕಗಳ ನಷ್ಟದೊಂದಿಗೆ 28,812.88 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇದೇ ರೀತಿಯ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 42.80 ಅಂಕಗಳ ನಷ್ಟಕ್ಕೆ ಗುರಿಯಾಗಿದ ದಿನದ ವಹಿವಾಟನ್ನು 8,896.70 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇಂದಿನ ವಹಿವಾಟಿನಲ್ಲಿ ಎಕ್ಸಿಸ್‌ ಬ್ಯಾಂಕ್‌ ಶೇ.3.6ರ ನಷ್ಟಕ್ಕೆ ಗುರಿಯಾಗುವ ಮೂಲಕ ಸೆನ್ಸೆಕ್ಸ್‌ ಶೇರುಗಳ ಪೈಕಿ ಅತೀ ದೊಡ್ಡ ರೀತಿಯಲ್ಲಿ ಹೊಡೆತಕ್ಕೆ ಗುರಿಯಾದ ಶೇರು ಎನಿಸಿಕೊಂಡಿತು.

ಎಕ್ಸಿಸ್‌ ಬ್ಯಾಂಕ್‌ ಶೇರನ್ನು ಅನುಸರಿಸಿ ಐಸಿಐಸಿಐ ಬ್ಯಾಂಕ್‌, ಎಲ್‌ ಆ್ಯಂಡ್‌ ಟಿ, ಎಚ್‌ ಡಿ ಎಫ್ ಸಿ, ಭಾರ್ತಿ ಏರ್‌ಟೆಲ್‌, ಮಾರುತಿ ಮತ್ತು ಟಾಟಾ ಮೋಟರ್‌ ಶೇರುಗಳು ನಷ್ಟಕ್ಕೆ ಗುರಿಯಾದವು. ಆದರೆ ರಿಲಯನ್ಸ್‌ ಶೇರು ಮಾತ್ರ ಶೇ.4.7ರ ಗಳಿಕೆಯನ್ನು ದಾಖಲಿಸಿ ಹೊಳೆದು ಕಾಣಿಸಿಕೊಂಡಿತು.