ಐದು ವಿಶೇಷ ಪ್ರೀಪೇಯ್ಡ್ ಡೇಟಾ ಪ್ಲ್ಯಾನ್ ಪರಿಚಯಿಸಿದ ಜಿಯೋ..! ಮಾಹಿತಿ ಇಲ್ಲಿದೆ.

Team Udayavani, Jun 19, 2021, 8:32 PM IST

reliance-jio-has-new-five-prepaid-plans-that-remove-the-restriction-of-daily-4g-data-limits

ಟೆಲಿಕಾಮ್ ನೆಟ್ ವರ್ಕ್ ನ ದೈತ್ಯ ಸಂಸ್ಥೆ ರಿಲಾಯನ್ಸ್ ಜಿಯೋ ಐದು ಹೊಸ ಪ್ರಿಪೇಯ್ಡ್ ಯೋಜನೆಯನ್ನು ಪರಿಚಯಿಸಿದೆ. ನೋ ಡೈಲಿ ಲಿಮಿಟ್ ಆಯ್ಕೆಯೊಂದಿಗೆ ಈ ಪ್ಲಾನ್ ಗಳನ್ನು ಪರಿಚಯಿಸಿದೆ.

127 ರೂ, 247 ರೂ, 447 ರೂ, 597 ರೂ ಮತ್ತು 2397 ರೂ ಬೆಲೆಯ ರೀಚಾರ್ಜ್ ಪ್ಲ್ಯಾನ್ ಇದಾಗಿದ್ದು, ಈ ಎಲ್ಲಾ ಪ್ಲ್ಯಾನ್ ಗಳು 15 ದಿನಗಳ ಮತ್ತು 365 ದಿನಗಳ ಮಾನ್ಯತೆ ಹೊಂದಿದೆ.

ಜಿಯೋ ಪರಿಚಯಿಸಿರುವ ನೂತನ ಪ್ಲ್ಯಾನ್ ಗಳು ಪ್ರತಿ ಸ್ಪರ್ಧಿ ಸಂಸ್ಥೆಗಳಾದ ಭಾರ್ತಿ ಏರ್ ಟೆಲ್ ಮತ್ತು ವೊಡಾ ಫೋನ್ ಪರಿಚಯಿಸುರುವ ಪ್ಲ್ಯಾನ್ ಗಳಿಗೆ ಸವಾಲು ನೀಡಿದಂತಿದೆ.

ಇದನ್ನೂ ಓದಿ : ವೇದ ಗಂಗಾ ನದಿಯ ಮಧ್ಯಭಾಗದ ಗಿಡದಲ್ಲಿ ಸಿಲುಕಿದ ಯುವಕನ‌ ರಕ್ಷಣೆಗೆ ಪರದಾಟ

ರಿಲಾಯನ್ಸ್ ಜಿಯೋ ನೋ ಡೈಲಿ ಲಿಮಿಟ್ ಅಡಿಯಲ್ಲಿ ಪರಿಚಯಿಸಿರುವ 127 ಪ್ಲಾನ್ 12ಜಿಬಿ ಡೇಟಾವನ್ನು ಒಳಗೊಂಡಿದ್ದು, 15 ದಿನಗಳ ವ್ಯಾಲಿಡಿಟಿಯನ್ನು ಒಳಗೊಂಡಿದೆ.

247 ರೂ ಪ್ರಿಪೇಯ್ಡ್ ಪ್ಲ್ಯಾನ್ 30 ದಿನಗಳ ವ್ಯಾಲಿಡಿಟಿ ಜೊತೆಗೆ 25GB ಡೇಟಾ ಒದಗಿಸುತ್ತದೆ. ಅಂತೆಯೇ 447 ರೂ ಪ್ಲಾನ್ 50ಜಿಬಿ ಡೇಟಾ ಜೊತೆಗೆ 60 ದಿನಗಳ ವ್ಯಾಲಿಡಿಟಿ ಹೊಂದಿದೆ.

2397 ರೂ ಪ್ಲಾನ್ ಅಳವಡಿಸಿಕೊಂಡ ಗ್ರಾಹಕರಗೆ 365GB ಡೇಟಾ ಒದಗಿಸುತ್ತದೆ. ಜತೆಗೆ 1 ವರ್ಷ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ಪ್ಲಾನ್ಗಳು ಅನಿಯಮಿತ ಲೋಕಲ್ ಮತ್ತು ನ್ಯಾಷನಲ್ ಕರೆ, ಪ್ರತಿದಿನ 100 ಎಸ್ ಎಮ್ ಎಸ್ ನೀಡುತ್ತದೆ. ಅದರ ಜೊತೆಗೆ ಜಿಯೋ ಆ್ಯಪ್, ಜಿಯೋ ಟಿವಿ, ಜಿಯೋ ಸಿನಿಮಾ, ಜಿಯೋ ನ್ಯೂಸ್, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್ ಬಳಸುವ ಆಯ್ಕೆ ಇದರಲ್ಲಿದೆ.

ಇದನ್ನೂ ಓದಿ : ಕೋವಿಡ್ ಪ್ರಕರಣ : ರಾಜ್ಯದಲ್ಲಿಂದು 11832 ಸೋಂಕಿತರು ಗುಣಮುಖ; 5815 ಹೊಸ ಪ್ರಕರಣ ಪತ್ತೆ