ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 80 ರೂ.ಗೆ ಕುಸಿಯುವತ್ತ ರೂಪಾಯಿ

Team Udayavani, Jul 5, 2022, 10:23 PM IST

ನವದೆಹಲಿ: ದಿನೇದಿನೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ರೂಪಾಯಿ ತನ್ನ ಮೌಲ್ಯವನ್ನು ಕಳೆದುಕೊಳ್ಳುತ್ತಿದೆ.

ನೊಮುರಾ ಎಂಬ ರೇಟಿಂಗ್‌ ಏಜೆನ್ಸಿಯ ವಿಶ್ಲೇಷಣೆ ಪ್ರಸಕ್ತ ವಿತ್ತೀಯ ವರ್ಷದ 3ನೇ ತ್ತೈಮಾಸಿಕದಲ್ಲಿ, ರೂಪಾಯಿ ಬೆಲೆ 82 ರೂ.ಗಳಿಗೆ ಕುಸಿಯುವ ಸಾಧ್ಯತೆಯಿದೆ. ಮಂಗಳವಾರ ಡಾಲರ್‌ ಎದುರು ರೂಪಾಯಿ ಮೌಲ್ಯ 79.38ಕ್ಕೆ ಕುಸಿದಿದೆ.

ಇದು ಸಾರ್ವಕಾಲಿಕ ಗರಿಷ್ಠ ಕುಸಿತ. ಇದರಿಂದ ಎಲ್ಲ ವಸ್ತುಗಳ ಬೆಲೆಗಳು ವಿಪರೀತ ದುಬಾರಿಯಾಗುವುದು ಖಚಿತ.

ಈ ಕುಸಿತಕ್ಕೆ ಭಾರತದ ಚಾಲ್ತಿ ಖಾತೆ ಕೊರತೆಯೇ ಕಾರಣವೆನ್ನಲಾಗಿದೆ. ಅಂದರೆ ಭಾರತದ ರಫ್ತು ಪ್ರಮಾಣ, ಆಮದಿ ಗಿಂತ ತೀರಾ ಕಡಿಮೆಯಿದೆ.

ಡಾಲರ್‌ಗಳನ್ನು ನೀಡಿ ಆಮದು ಮಾಡಿಕೊಳ್ಳಬೇಕಾ ಗಿರುವುದರಿಂದ ಡಾಲರ್‌ಗೆ ಜಾಸ್ತಿ ಬೇಡಿಕೆಯಿದೆ.

ರಫ್ತು ಕಡಿಮೆಯಿರುವುದರಿಂದ ರೂಪಾಯಿಗೆ ಬೇಡಿಕೆ ಕಡಿಮೆಯಾಗಿದೆ. ಸಹಜವಾಗಿ ಮೌಲ್ಯವೂ ಕುಸಿದಿದೆ.