ಮಹಾಕಾಲ್ ಎಕ್ಸ್ ಪ್ರೆಸ್ ರೈಲಿನ ಬಿ5 ಕೋಚ್ ನ 64ನೇ ನಂಬರ್ ಸೀಟು ಈಶ್ವರನಿಗೆ ಮೀಸಲು!

Team Udayavani, Feb 17, 2020, 10:23 AM IST

ವಾರಾಣಸಿ:ಉತ್ತರಪ್ರದೇಶದ ವಾರಾಣಸಿ ಮತ್ತು ಮಧ್ಯಪ್ರದೇಶ ಸೇರಿದಂತೆ ಎರಡು ರಾಜ್ಯಗಳ ಮೂರು ಜ್ಯೋತಿರ್ಲಿಂಗ ತಾಣವನ್ನು ಸಂಪರ್ಕಿಸುವ ಕಾಶಿ ಮಹಾಕಾಲ್ ಎಕ್ಸ್ ಪ್ರೆಸ್ ರೈಲಿಗೆ ಪ್ರಧಾನಿ ನರೇಂದ್ರ ಮೋದಿ ಭಾನುವಾರ ಚಾಲನೆ ನೀಡಿದ್ದು, ಇದರಲ್ಲಿ ಬಿ5 ಕೋಚ್ ನ 64ನೇ ನಂಬರ್ ನ ಸೀಟನ್ನು ಈಶ್ವರನಿಗೆ ಮೀಸಲಿಡಲಾಗಿದೆ!

ಕಾಶಿ ಮಹಾಕಾಲ್ ಎಕ್ಸ್ ಪ್ರೆಸ್ ರೈಲು ಇಂದೋರ್ ಸಮೀಪದ ಓಂಕಾರೇಶ್ವರ್, ಉಜ್ಜೈನ್ ನ ಮಹಾಕಾಲೇಶ್ವರ್ ಮತ್ತು ವಾರಾಣಸಿಯ ಕಾಶಿ ವಿಶ್ವನಾಥನ ಜ್ಯೋತಿರ್ಲಿಂಗ ತಾಣವನ್ನು ಸಂಪರ್ಕಿಸಲಿದೆ ಎಂದು ವರದಿ ತಿಳಿಸಿದೆ.

ಫೆ.20ರಿಂದ ಮಹಾಕಾಲ್ ಎಕ್ಸ್ ಪ್ರೆಸ್ ರೈಲು ಸಂಚಾರ ಆರಂಭವಾಗಲಿದೆ. ಕೋಚ್ ಬಿ5ರಲ್ಲಿನ ಸೀಟ್ ನಂಬರ್ 64ರಲ್ಲಿ ಈಶ್ವರನ ಫೋಟೋ ಇಡಲಾಗಿದೆ. ಈ ಸೀಟನ್ನು ಈಶ್ವರನಿಗೆ ಮೀಸಲಿಡುವ ಮೂಲಕ ಮುಂದಿನ ದಿನಗಳಲ್ಲಿ ಜನರಲ್ಲಿ ಸೀಟಿನ ಕುರಿತು ಅರಿವು ಮೂಡಿಸಲಾಗುವುದು ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.