ಆತಂಕ ತಂದ FPI; 560 ಅಂಕ ಕುಸಿತ ಕಂಡ ಮುಂಬೈ ಶೇರುಪೇಟೆ ಸೆನ್ಸೆಕ್ಸ್

Team Udayavani, Jul 19, 2019, 4:48 PM IST

ಮುಂಬೈ:ವಿದೇಶಿ ಹೂಡಿಕೆದಾರರಿಗೆ ತೆರಿಗೆ ರಿಯಾಯ್ತಿ ನೀಡುವ ಕುರಿತು ಸರ್ಕಾರ ನಿರಾಕರಿಸಿದ್ದರಿಂದ ಮುಂಬೈ ಷೇರುಮಾರುಕಟ್ಟೆ ವಹಿವಾಟು ಶುಕ್ರವಾರದ ದಿನಾಂತ್ಯಕ್ಕೆ ಭಾರೀ ಕುಸಿತ ಕಂಡಿದೆ.

ಮುಂಬೈ ಶೇರುಪೇಟೆಯ ಸೆನ್ಸೆಕ್ಸ್ ಸೂಚ್ಯಂಕ ಶುಕ್ರವಾರ 560.45 ಅಂಕಗಳ ನಷ್ಟದೊಂದಿಗೆ 38,337.01 ಅಂಕಗಳೊಂದಿಗೆ ವಹಿವಾಟು ಅಂತ್ಯಗೊಂಡಿದೆ ಎಂದು ವರದಿ ತಿಳಿಸಿದೆ.

ಇದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆ ನಿಫ್ಟಿ ಸೂಚ್ಯಂಕ 177.65 ಅಂಕಗಳ ನಷ್ಟದೊಂದಿಗೆ 11,419.25 ಅಂಕಗಳೊಂದಿಗೆ ವಹಿವಾಟು ಕೊನೆಗೊಂಡಿದೆ.

560 ಅಂಕಗಳ ನಷ್ಟದಿಂದಾಗಿ ಬಜಾಜ್ ಫೈನಾನ್ಸ್, ಟಾಟಾ ಮೋಟರ್ಸ್, ಹೀರೋಮೋಟೋ ಕಾರ್ಪೋರೇಶನ್, ಇಂಡಸ್ ಇಂಡ್ ಬ್ಯಾಂಕ್, ಯೆಸ್ ಬ್ಯಾಂಕ್, ಬಜಾಜ್ ಆಟೋ, ಕೋಟಕ್ ಬ್ಯಾಂಕ್, ಎಸ್ ಬಿಐ, ಐಸಿಐಸಿಐ ಬ್ಯಾಂಕ್, ಮಾರುತಿ ಅಂಡ್ ಟೆಕ್ ಮಹೀಂದ್ರ ಶೇ.4.36ರಷ್ಟು ನಷ್ಟ ಅನುಭವಿಸಿದೆ.