ಏಶ್ಯನ್‌ ಶೇರು ಪೇಟೆಗಳಲ್ಲಿ ತೇಜಿ; ಮುಂಬಯಿ ಶೇರು 169 ಅಂಕ ಜಂಪ್‌

Team Udayavani, Apr 3, 2019, 11:03 AM IST

ಮುಂಬಯಿ : ಇಂದು ಬುಧವಾರದ ಆರಂಭಿಕ ವಹಿವಾಟಿನಲ್ಲಿ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ 150ಕ್ಕೂ ಅಧಿಕ ಅಂಕಗಳ ಜಿಗಿತವನ್ನು ದಾಖಲಿಸಿತು.

ಇತರ ಏಶ್ಯನ್‌ ಶೇರು ಪೇಟೆಗಳಲ್ಲಿ ತೇಜಿ ಕಂಡು ಬಂದಿರುವುದನ್ನು ಅನುಸರಿಸಿ ಮುಂಬಯಿ ಶೇರು ಪೇಟೆಯೂ ಮುನ್ನುಗ್ಗುತ್ತಿದ್ದು ಬ್ಯಾಂಕಿ,ಗ್‌ ಮತ್ತು ಆಟೋ ಶೇರುಗಳು ಇಂದು ಉತ್ತಮ ಖರೀದಿಯನ್ನು ಕಂಡವು.

ಬೆಳಗ್ಗೆ 11 ಗಂಟೆಯ ಸುಮಾರಿಗೆ ಸೆನ್ಸೆಕ್ಸ್‌ 168.85 ಅಂಕಗಳ ಮುನ್ನಡೆಯನ್ನು ಕಾಯ್ದುಕೊಂಡು 39,225.50 ಅಂಕಗಳ ಮಟ್ಟದಲ್ಲೂ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 28.80 ಅಂಕಗಳ ಏರಿಕೆಯೊಂದಿಗೆ 11,742.00 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು.

ಟಾಪ್‌ ಗೇನರ್‌ಗಳಾಗಿ ಮೂಡಿ ಬಂದಿರುವ ಟಾಟಾ ಮೋಟರ್‌, ಇಂಡಸ್‌ ಇಂಡ್‌ ಬ್ಯಾಂಕ್‌, ಅವಳಿ ಎಚ್‌ ಡಿ ಎಫ್ ಸಿ, ಪವರ್‌ ಗ್ರಿಡ್‌, ಕೋಟಕ್‌ ಬ್ಯಾಂಕ್‌, ಟಾಟಾ ಸ್ಟೀಲ್‌, ಭಾರ್ತಿ ಏರ್‌ಟೆಲ್‌, ಎಸ್‌ ಬ್ಯಾಂಕ್‌, ಮಹೀಂದ್ರ, ಮಾರುತಿ, ಬಜಾಜ್‌ ಫಿನಾನ್ಸ್‌, ಎಸ್‌ಬಿಐ, ಆರ್‌ಐಎಲ್‌ ಶೇರುಗಳು ಶೇ.2.05ರ ಏರಿಕೆಯನ್ನು ದಾಖಲಿಸಿದವು.

ಡಾಲರ್‌ ಎದುರು ರೂಪಾಯಿ ಇಂದಿನ ಬೆಳಗ್ಗಿನ ವಹಿವಾಟಿನಲ್ಲಿ 9 ಪೈಸೆಯ ಏರಿಕೆ ದಾಖಲಿಸಿ 68.65 ರೂ. ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.