S&P: ಭಾರತದ BBB- rating ಯಥಾವತ್‌, ಹೊರನೋಟ ಸದೃಢ

Team Udayavani, Nov 24, 2017, 7:10 PM IST

ಹೊಸದಿಲ್ಲಿ : ಪ್ರಖ್ಯಾತ ರೇಟಿಂಗ್‌ ಸಂಸ್ಥೆ ಮೂಡೀಸ್‌ ಈಚೆಗೆ ಭಾರತದ ರೇಟಿಂಗನ್ನು ಒಂದು ಹಂತ ಮೇಲ್ಮಟ್ಟಕ್ಕೆ ಏರಿಸಿದಂತೆ ಇನ್ನೊಂದು ಪ್ರಖ್ಯಾತ ರೇಟಿಂಗ್‌ ಸಂಸ್ಥೆಯಾಗಿರುವ ಸ್ಟಾಂಡರ್ಡ್‌ ಆ್ಯಂಡ್‌ ಪೂರ್‌ (S&P) ಕೂಡ ಮಾಡೀತೆಂಬ ನಿರೀಕ್ಷೆ ಸುಳ್ಳಾಗಿದೆ.

ಭಾರತದ ರೇಟಿಂಗನ್ನು ಈಗಿನ ಬಿಬಿಬಿ ಮೈನಸ್‌ ಮತ್ತು ಸ್ಟೇಬಲ್‌ ಔಟ್‌ಲುಕ್‌ ಮಟ್ಟದಲ್ಲೇ ಉಳಿಸಿಕೊಂಡಿರುವ ಸ್ಟಾಂಡರ್ಡ್‌ ಆ್ಯಂಡ್‌  ಪೂರ್‌ ಸಂಸ್ಥೆಯ ಮೇಲೆ ಮೂಡೀಸ್‌ ರೇಟಿಂಗ್‌ ಯಾವುದೇ ಪರಿಣಾಮ ಬೀರಿಲ್ಲದಿರುವುದು ಸ್ಪಷ್ಟವಾಗಿದೆ. 

ಸ್ಟಾಂಡರ್ಡ್‌ ಆ್ಯಂಡ್‌ ಪೂರ್‌ ಸಂಸ್ಥೆ ಭಾರತದ ಬಿಬಿಬಿ ಮೈನಸ್‌ ರೇಟಿಂಗನ್ನು ಯಥಾವತ್ತಾಗಿ ಉಳಿಸಿಕೊಂಡಿರುವ ಹೊರತಾಗಿಯೂ ಮೋದಿ ಸರಕಾರ ಈಚೆಗೆ ಕೈಗೊಂಡಿರುವ ಹಲವಾರು ಆರ್ಥಿಕ ಸುಧಾರಣಾ ಉಪಕ್ರಮಗಳ ಬಗ್ಗೆ ಅನುಕೂಲಕರ ದೃಷ್ಟಿಕೋನವನ್ನು ಹೊಂದಿದೆ. ಭಾರತದ ಆರ್ಥಿಕತೆಯು ಇನ್ನೆರಡು ವರ್ಷಗಳಲ್ಲಿ ಉಜ್ವಲ ಪ್ರಗತಿಯನ್ನು ಕಾಣುವುದೆಂಬ ವಿಶ್ವಾಸವನ್ನು ಅದು ವ್ಯಕ್ತಪಡಿಸಿದೆ.