ಮತ್ತೆ ಭಾರೀ ಏರಿಕೆ ಕಂಡ ಮುಂಬೈ ಶೇರುಪೇಟೆ ಸೆನ್ಸೆಕ್ಸ್ ಸೂಚ್ಯಂಕ, ನಿಫ್ಟಿ

Team Udayavani, Oct 17, 2019, 6:48 PM IST

ಮುಂಬೈ:ಅಂತಾರಾಷ್ಟ್ರೀಯ ಹೂಡಿಕೆದಾರರಿಗೆ ಭಾರತದಲ್ಲಿ ಬಂಡವಾಳ ಹೂಡಲು ಇನ್ನಷ್ಟು ಹೆಚ್ಚಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಮುನ್ಸೂಚನೆ ಹಿನ್ನೆಲೆಯಲ್ಲಿ ಮುಂಬೈ ಶೇರು ಮಾರುಕಟ್ಟೆಯ ಗುರುವಾರದ ವಹಿವಾಟಿನ ದಿನಾಂತ್ಯದಲ್ಲಿ ಸೆನ್ಸೆಕ್ಸ್ ಸೂಚ್ಯಂಕ ಭರ್ಜರಿ 453.07 ಅಂಕ ಏರಿಕೆ ಕಂಡಿದ್ದು, 39,052.06 ಅಂಕಗಳೊಂದಿಗೆ ವಹಿವಾಟು ಅಂತ್ಯಗೊಂಡಿದೆ.

ಅದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆ ನಿಫ್ಟಿ (ಎನ್ ಎಸ್ ಇ) ಸೂಚ್ಯಂಕ 122.35 ಅಂಕಗಳ ಏರಿಕೆಯೊಂದಿಗೆ 11,586.35 ಅಂಕಗಳೊಂದಿಗೆ ವಹಿವಾಟು ಅಂತ್ಯಗೊಂಡಿದೆ.

ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್ ಸೂಚ್ಯಂಕ ಏರಿಕೆಯಿಂದ ಯೆಸ್ ಬ್ಯಾಂಕ್, ಟಾಟಾ ಮೋಟಾರ್ಸ್, ಇಂಡಸ್ ಲ್ಯಾಂಡ್ ಬ್ಯಾಂಕ್, ಬಜಾಜ್ ಆಟೋ, ಟಾಟಾ ಸ್ಟೀಲ್, ಏಷಿಯನ್ ಪೇಯಿಂಟ್ಸ್ ಶೇರುಗಳು ಶೇ.15.19ರಷ್ಟು ಏರಿಕೆ ಕಂಡು ಲಾಭಗಳಿಸಿದೆ ಎಂದು ವರದಿ ತಿಳಿಸಿದೆ.

ಎಚ್ ಸಿಎಲ್ ಟೆಕ್, ವೇದಾಂತ, ಪವರ್ ಗ್ರಿಡ್, ಓಎನ್ ಜಿಸಿ, ಕೋಟಕ್ ಬ್ಯಾಂಕ್, ಟೆಕ್ ಮಹೀಂದ್ರಾ, ಇನ್ಫೋಸಿಸ್, ಭಾರ್ತಿ ಏರ್ ಟೆಲ್ ಶೇರುಗಳ ದರ ಶೇ.1.04ರಷ್ಟು ಇಳಿಕೆ ಕಂಡಿದೆ.