ಭಾರತದಲ್ಲಿ ಡಿಜಿಟಲ್ ಹೆಜ್ಜೆಗುರುತನ್ನು ಇನ್ನಷ್ಟು ವಿಸ್ತರಿಸಲು ಸಿದ್ಧರಿದ್ದೇವೆ : ಅಂಬಾನಿ

Team Udayavani, Mar 4, 2021, 2:22 PM IST

ನವ ದೆಹಲಿ : 4 ಜಿ ಏರ್ ವೇವ್ಸ್ ಗಾಗಿ ಟೆಲಿಕಾಂ ಸ್ಪೆಕ್ಟ್ರಮ್ ಹರಾಜಿನಲ್ಲಿ ರಿಲಯನ್ಸ್ ಜಿಯೋ ಅತಿ ಹೆಚ್ಚು ಬಿಡ್ ದಾರರಾಗಿ ಹೊರಹೊಮ್ಮಿದೆ ಎಂದು ದಿ ಹಿಂದೂ ವರದಿ ಮಾಡಿದೆ. ಒಟ್ಟು 855.6 ಮೆಗಾಹರ್ಟ್ಸ್ ಸ್ಪೆಕ್ಟ್ರಮ್ ಮಾರಾಟವಾದರೆ, ಜಿಯೋ 488.35 ಮೆಗಾಹರ್ಟ್ಸ್ ಅನ್ನು 57,122.65 ಕೋಟಿ ರೂಗೆ ಬಿಡ್ ಮಾಡಿದೆ. ಪ್ರತಿಸ್ಪರ್ಧಿ ಭಾರ್ತಿ ಏರ್‌ಟೆಲ್ 355.45 ಮೆಗಾಹರ್ಟ್ಸ್  ಸ್ಪೆಕ್ಟ್ರಮ್‌ಗೆ 18,698.75 ಕೋಟಿ ರೂ.ಗೆ ಬಿಡ್ ಮಾಡಿದರೆ, ವೊಡಾಫೋನ್ ಐಡಿಯಾ ಕೇವಲ 11.80 ಮೆಗಾಹರ್ಟ್ಸ್ ಏರ್‌ವೇವ್‌ಗಳನ್ನು 1,993.40 ಕೋಟಿ ರೂ.ಗೆ ಬಿಡ್ ಮಾಡಿದೆ ಎಂದು ದಿ ಹಿಂದೂ ವರದಿ ಮಾಡಿದೆ.

ಕೇಂದ್ರವು ಹರಾಜಿನ ಮೂಲಕ ಒಟ್ಟು 77,814.80 ಕೋಟಿ ರೂ. ಆದಾಯವನ್ನು ಗಳಿಸಲಿದ್ದು, ಈ ಹಣಕಾಸು ವರ್ಷದಲ್ಲಿ (ಮಾರ್ಚ್ 31,2021 ರ ಮೊದಲು) 19,000 ರಿಂದ 20,000 ಕೋಟಿ ರೂ. ಗಳಿಸಿದೆ.

ಟೆಲಿಕಾಂ ಕಾರ್ಯದರ್ಶಿ ಅನ್ಶು ಪ್ರಕಾಶ್ ಪತ್ರಿಕಾಗೋಷ್ಠಿಯಲ್ಲಿ, ಹರಾಜು ಕೇಂದ್ರದ ನಿರೀಕ್ಷೆಗಳನ್ನು ಮೀರಿದೆ ಎಂದು ಪಿಟಿಐ ವರದಿ ಮಾಡಿದೆ. “ನಮ್ಮ ಅಂದಾಜು 45,000- 50,000 ಕೋಟಿ ರೂ. ಮತ್ತು ನಮಗೆ 77,814.80 ಕೋಟಿ ರೂ.ಗಳ ಬಿಡ್ ಗಳು ದೊರೆತಿವೆ, ಇದು ನಿರೀಕ್ಷೆಗಳಿಗಿಂತ ಹೆಚ್ಚಿನದಾಗಿದೆ” ಎಂದು ಪ್ರಕಾಶ್ ತಿಳಿಸಿದರು.

ಜಿಯೋ ತನ್ನ ಮೊತ್ತದ 60% ಕ್ಕಿಂತಲೂ ಹೆಚ್ಚು ಹಣವನ್ನು 800 ಮೆಗಾಹರ್ಟ್ಸ್ ಬ್ಯಾಂಡ್‌ ಗಾಗಿ ಖರ್ಚು ಮಾಡಿದೆ, ಇದು 700 ಮೆಗಾಹರ್ಟ್ಸ್ ನಂತರದ ಎರಡನೆಯ ಅತ್ಯುತ್ತಮವಾಗಿದೆ. ಭಾರ್ತಿ ಏರ್‌ ಟೆಲ್ ತನ್ನ ಹೆಚ್ಚಿನ ಹಣವನ್ನು 2,300 ಮೆಗಾಹೆರ್ಟ್ಜ್‌ನಲ್ಲಿ ಖರ್ಚು ಮಾಡಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ಅವರು ತಮ್ಮ ಕಂಪನಿಯು ಮುಂದೆ 30 ಕೋಟಿ ಡಿಜಿಟಲ್ ಸೇವೆಗಳ ಬಳಕೆದಾರರನ್ನು ಕೇಂದ್ರವಾಗಿಟ್ಟುಕೊಂಡಿದೆ ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ., ಭಾರತದಲ್ಲಿ ಡಿಜಿಟಲ್ ಹೆಜ್ಜೆಗುರುತನ್ನು ಇನ್ನಷ್ಟು ವಿಸ್ತರಿಸಲು ನಾವು ಸಿದ್ಧರಿದ್ದೇವೆ ಎಂದು ಅವರು ಹೇಳಿದ್ದಾರೆ.

ಓದಿ :  ಜಾರಕಿಹೊಳಿ ಸಿಡಿ ಪ್ರಕರಣ : ಪ್ರಭಾವಿಗಳ ಕೈವಾಡವಿದೆ ಎಂದ ಶಾಸಕ ರಾಜುಗೌಡ!