Bank: ಶೇ 7.50ರಷ್ಟು ಬಡ್ಡಿ ದರದ 9 ತಿಂಗಳ ಸ್ಥಿರ ಠೇವಣಿ ಪರಿಚಯಿಸಿದ ಉಜ್ಜೀವನ್

Team Udayavani, Oct 1, 2024, 6:20 PM IST

ಬೆಂಗಳೂರು: ದೇಶದ ಪ್ರಮುಖ ಸಣ್ಣ ಹಣಕಾಸು ಬ್ಯಾಂಕ್ ಆಗಿರುವ ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ (ಉಜ್ಜಿವನ್‌), ಸ್ಥಿರ ಠೇವಣಿ ವಿಭಾಗದಲ್ಲಿ ಹೊಸದಾಗಿ ಶೇ 7.50 ಬಡ್ಡಿದರದ 9 ತಿಂಗಳ ಅವಧಿ ಪರಿಚಯಿಸಿದೆ. ನಿಯಮಿತ ಸ್ಥಿರ ಠೇವಣಿಗಳಿಗೆ ಹಿರಿಯ ನಾಗರಿಕರು ಶೇ 0.50ರಷ್ಟು ಹೆಚ್ಚುವರಿ ಬಡ್ಡಿ ಪಡೆಯುವುದನ್ನು ಮುಂದುವರೆಸಿದೆ.

ಸಾಮಾನ್ಯ ಗ್ರಾಹಕರಿಗೆ 12 ತಿಂಗಳ ಅವಧಿಯ ಸ್ಥಿರ ಠೇವಣಿಗೆ ಶೇ 8.25 ರಷ್ಟು ಹೆಚ್ಚಿನ ಬಡ್ಡಿದರವನ್ನು ನೀಡುವುದನ್ನು ಉಜ್ಜೀವನ್‌ ಮುಂದುವರೆಸಿದೆ. ಇದೇ ಅವಧಿಯ ಸ್ಥಿರ ಠೇವಣಿಗೆ ಹಿರಿಯ ನಾಗರಿಕರು ಶೇ 8.75% ರಷ್ಟು ಆಕರ್ಷಕ ಬಡ್ಡಿದರದ ಪ್ರಯೋಜನ ಪಡೆಯಲಿದ್ದಾರೆ.

ವ್ಯಕ್ತಿಗಳು ಮತ್ತು ವೈಯಕ್ತಿಕವಲ್ಲದ ಗ್ರಾಹಕರು ಮತ್ತು ಅನಿವಾಸಿ ಭಾರತೀಯ (ಎನ್‌ಆರ್‌) ಗ್ರಾಹಕರಿಗೆ ಲಭ್ಯವಿರುವ ಪ್ಲ್ಯಾಟಿನಾ ಠೇವಣಿಗಳು ಶೇ 0.20ರಷ್ಟು ಹೆಚ್ಚುವರಿ ಬಡ್ಡಿ ದರ ಗಳಿಸುವುದನ್ನು ಮುಂದುವರಿಸಲಿವೆ.