ಭಾರತಕ್ಕೆ ಆದ್ಯತೆಯ ವ್ಯಾಪಾರ ಸ್ಥಾನಮಾನಕ್ಕೆ ಅಮೆರಿಕ ಚಿಂತನೆ

Team Udayavani, Jun 20, 2020, 6:33 AM IST

ವಾಷಿಂಗ್ಟನ್‌: ಜಿಎಸ್‌ಪಿ ವ್ಯಾಪ್ತಿಯಲ್ಲಿ ಭಾರತಕ್ಕೆ ಆದ್ಯತೆಯ ವ್ಯಾಪಾರ ಸ್ಥಾನಮಾನ­ವನ್ನು ಪುನಃ ನೀಡಲು ಅಮೆರಿಕ ಚಿಂತಿಸು­ತ್ತಿದೆ ಎಂದು ಟ್ರಂಪ್‌ ಆಡಳಿತದ ಉನ್ನತಾಧಿಕಾರಿ­ಯೊಬ್ಬರು ತಿಳಿಸಿದ್ದಾರೆ.

ಜಿಎಸ್ಪಿ ಅಥವಾ ಆದ್ಯತೆಗಳ ಸಾಮಾನ್ಯೀ­ಕೃತ ವ್ಯವಸ್ಥೆ, ಅಮೆ­ರಿಕದ ಒಂದು ಆದ್ಯತೆಯ ಸುಂಕ ವ್ಯವಸ್ಥೆಯಾ­ಗಿದೆ.

ಈ ಸ್ಥಾನಮಾನ ಪಡೆದ ದೇಶಗಳಿಂದ ಆಮದು ಮಾಡಿ­ಕೊಳ್ಳುವ ಉತ್ಪನ್ನಗಳ ಮೇಲೆ ಸುಂಕ ಕಡಿತ ಮಾಡುವ ಸೌಲಭ್ಯವನ್ನು ಇದು ಕಲ್ಪಿಸುತ್ತದೆ.

ಅಮೆರಿಕ ವಾಣಿಜ್ಯ ಪ್ರತಿನಿಧಿ ರಾಬರ್ಟ್‌ ಲೈಟ್‌ಲೈಸರ್‌ ಈ ಬಗ್ಗೆ ಪ್ರತಿ ಕ್ರಿಯೆ ನೀಡಿ, ಈ ಕುರಿತು ಭಾರತದ ಜತೆ ಮಾತುಕತೆ ನಡೆಸುತ್ತಿದ್ದೇವೆ.

ಭಾರತವೂ ಈ ನಿಟ್ಟಿನಲ್ಲಿ ಕ್ರಮ ಕೈಗೊಂಡರೆ ಈ ಸ್ಥಾನಮಾನವನ್ನು ಮರುಸ್ಥಾಪಿಸಲು ನಾವು ಸಿದ್ಧರಿದ್ದೇವೆ ಎಂದು ತಿಳಿಸಿದರು.

ಅಮೆರಿಕದಿಂದ ಆಮದು ಮಾಡಿಕೊಳ್ಳುವ ಸೇಬು­ಗಳ ಮೇಲೆ ಭಾರತ ಶೇ.70ರಷ್ಟು ಸುಂಕ ವಿಧಿಸುತ್ತಿದೆ. ದ್ವಿದಳ ಧಾನ್ಯಗಳ ಮೇಲೂ ಹೆಚ್ಚಿನ ಸುಂಕ ವಿಧಿಸಲಾಗುತ್ತಿದೆ.

ಈ ರೀತಿ ಅಧಿಕ ಸುಂಕ ವಿಧಿಸುವ ಕ್ರಮ, ಉಭಯ ರಾಷ್ಟ್ರಗಳ ನಡುವಿನ ವ್ಯಾಪಾರ – ­ವ್ಯವಹಾರಗಳ ವೃದ್ಧಿಗೆ ಸಹಕಾರಿಯಾಗಲಾರದು ಎಂದು ಅವರು ತಿಳಿಸಿದರು.