ಚಿತ್ರ ನಟಿ ಜಯಪ್ರದಾ ಇಂದು ಬಿಜೆಪಿಗೆ; ಆಜಂ ಖಾನ್‌ ವಿರುದ್ಧ ಸ್ಪರ್ಧೆ

Team Udayavani, Mar 25, 2019, 11:51 AM IST

ಲಕ್ನೋ : ಹಿರಿಯ ಚಿತ್ರ ನಟಿ ಜಯಪ್ರದಾ ಅವರು ಇಂದು ಸೋಮವಾರ ಭಾರತೀಯ ಜನತಾ ಪಕ್ಷವನ್ನು ಸೇರುವ ನಿರೀಕ್ಷೆ ಇದೆ.

ಲೋಕಸಭಾ ಚುನಾವಣೆಗೆ ಇನ್ನು ಕೆಲವೇ ವಾರಗಳಿರುವಾಗ ಜಯಪ್ರದಾ ಬಿಜೆಪಿ ಸೇರುವ ಸಾಧ್ಯತೆಗಳು ದಿನಗಳೆದಂತೆ ನಿಚ್ಚಳವಾಗುತ್ತಿದೆ.

ಜಯಪ್ರದಾ ಅವರು ಉತ್ತರ ಪ್ರದೇಶದ ರಾಮಪುರದಿಂದ ಲೋಕಸಭೆಗೆ ಸ್ಪರ್ಧಿಸುವ ಸಾಧ್ಯತೆಗಳಿವೆ ಎಂದು ವರದಿಗಳು ತಿಳಿಸಿವೆ.

ಸಮಾಜವಾದಿ ಪಕ್ಷದ ನಾಯಕ ಆಜಂ ಖಾನ್‌ ವಿರುದ್ಧ ಜಯಪ್ರದಾ ಸ್ಪರ್ಧಿಸಲಿರುವುದಾಗಿ ವರದಿಗಳು ತಿಳಿಸಿವೆ.

2014ರ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯ ಡಾ. ನೇಪಾಲ್‌ ಸಿಂಗ್‌ ಅವರು ರಾಮಪುರ ಕ್ಷೇತ್ರವನ್ನು ಗೆದ್ದಿದ್ದರು.

1957ಕ್ಕೆ ಮೊದಲೇ ರೂಪಿಸಲಾಗಿದ್ದ ಉತ್ತರ ಪ್ರದೇಶದ 80 ಲೋಕಸಭಾ ಕ್ಷೇತ್ರಗಳ ಪೈಕಿ ರಾಮಪುರವೂ ಒಂದಾಗಿದೆ.