ಲಕ್ನೋ-ಆಗ್ರಾ ಎಕ್ಸ್‌ಪ್ರೆಸ್‌ವೇ : ಪರಸ್ಪರ ಗುದ್ದಿಕೊಂಡ 10 ಕಾರು

Team Udayavani, Dec 19, 2017, 3:07 PM IST

ಹೊಸದಿಲ್ಲಿ : ದಟ್ಟ ಮಂಜು ಮುಸುಕಿದ್ದ ಲಕ್ನೋ – ಆಗ್ರಾ ಎಕ್ಸ್‌ಪ್ರೆಸ್‌ವೇ ಯಲ್ಲಿ  ನಿಕೃಷ್ಟ ಗೋಚರತೆಯ ಕಾರಣ ಹತ್ತು ಕಾರುಗಳು ಪರಸ್ಪರ ಗುದ್ದಿಕೊಂಡು ಅವಘಡಕ್ಕೀಡಾದ ಆಘಾತಕಾರಿ ಘಟನೆ ನಡೆದಿದೆ.

ಉತ್ತರ ಪ್ರದೇಶದ ಉನ್ನಾವೋ ಜಿಲ್ಲೆಯ ಬಂಗರ್‌ಮಾವು ಎಂಬಲ್ಲಿ ರಸ್ತೆಯಲ್ಲಿ ದಟ್ಟ ಮಂಜು ಮುಸುಕಿದ್ದ ಸಂದರ್ಭದಲ್ಲಿ ನಿನ್ನೆ ಸೋಮವಾರ ಬೆಳಗ್ಗೆ ಈ ಸರಣಿ ಅಪಘಾತ ನಡೆಯಿತು. ಹತ್ತು ಕಾರುಗಳು ತೀವ್ರವಾಗಿ ಹಾನಿಗೀಡಾದವು. ಕಾರುಗಳಲ್ಲಿದ್ದ ಹಲವರಿಗೆ ಗಾಯಗಳಾಗಿದ್ದು ಕೆಲವರ ಸ್ಥಿತಿ ಗಂಭೀರವಿದೆ; ಆದರೆ ಯಾರೂ ಮೃತ ಪಟ್ಟ ವರದಿಗಳು ಬಂದಿಲ್ಲ.

ಉತ್ತರ ಭಾರತದ ಹೆಚ್ಚಿನ ಭಾಗಗಳಲ್ಲಿ ಚಳಿಗಾಲದ ಈ ಅವಧಿಯಲ್ಲಿ  ದಟ್ಟ ಮಂಜು ಮುಸುಕಿರುವುದು ಸಾಮಾನ್ಯ. ಕಡಿಮೆ ಗೋಚರತೆಯ ಕಾರಣ ವಾಹನಗಳು ಪರಸ್ಪರ ಢಿಕ್ಕಿಯಾಗುವುದು ಕೂಡ ಸಾಮಾನ್ಯ. ಆದರೆ ನಿನ್ನೆ ಸೋಮವಾರದ ಈ ಸರಣಿ ಅಪಘಾತದಲ್ಲಿ 10 ಕಾರುಗಳು ಹಾನಿಗೀಡಾದವು.