100 crores ತೆರಿಗೆ ಬಾಕಿ ಕೇಸ್‌:ಹೈಕೋರ್ಟ್‌ನಲ್ಲೂ ಕಾಂಗ್ರೆಸ್‌ಗೆ ಹಿನ್ನಡೆ

Team Udayavani, Mar 14, 2024, 1:04 AM IST

ಹೊಸದಿಲ್ಲಿ: 100 ಕೋಟಿ ರೂ. ತೆರಿಗೆ ಬಾಕಿ ಉಳಿಸಿ­ಕೊಂಡಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಾಂಗ್ರೆಸ್‌ಗೆ ದಿಲ್ಲಿ ಹೈಕೋಟ್‌ನಲ್ಲಿ ಹಿನ್ನಡೆಯಾಗಿದೆ. ಆದಾಯ ತೆರಿಗೆ ಇಲಾಖೆಯ ನ್ಯಾಯಮಂಡಳಿ ನೀಡಿದ್ದ ತೀರ್ಪನ್ನು ಪ್ರಶ್ನಿಸಿ ಕಾಂಗ್ರೆಸ್‌ ಹೈಕೋರ್ಟ್‌ ಮೆಟ್ಟಿಲೇ­ರಿತ್ತು.

ಅರ್ಜಿ ವಿಚಾರಣೆ ನಡೆಸಿದ ನ್ಯಾ|ಯಶ್ವಂತ್‌ ವರ್ಮಾ ಮತ್ತು ನ್ಯಾ|ಪುರುಶೈಂದ್ರ ಕುಮಾರ್‌ ಕೌರವ್‌ ಅವರಿದ್ದ ಪೀಠ ಈ ಆದೇಶಕ್ಕೆ ತಡೆ ನೀಡಲು ಬುಧ ವಾರ ನಿರಾಕರಿಸಿತು. ಮಂಗಳವಾರ ಪ್ರಕರಣದ ವಿಚಾ ರಣೆ ನಡೆಸಿದ್ದ ಕೋರ್ಟ್‌ ತೀರ್ಪನ್ನು ಕಾಯ್ದಿರಿಸಿತ್ತು. ಕಾಂಗ್ರೆಸ್‌ ತೆರಿಗೆ ಪಾವತಿ ಮಾಡಿಲ್ಲ ಎಂದು ಕಾರಣ ನೀಡಿ ಐಟಿ ಇಲಾಖೆ ಫೆ.13ರಂದು ನೋಟಿಸ್‌ ನೀಡ ಲಾಗಿತ್ತು. ಈ ವೇಳೆ ಪಕ್ಷದ ಬ್ಯಾಂಕ್‌ ಖಾತೆಗಳನ್ನು ಐಟಿ ನಿಷ್ಕ್ರಿಯಗೊಳಿಸಿ 65 ಕೋಟಿ ರೂ.ಗಳನ್ನು ವಶಪಡಿಸಿ ಕೊಂಡಿದೆ ಎಂದು ಕಾಂಗ್ರೆಸ್‌ ಆರೋಪಿಸಿತ್ತು.