ತಿರುಪತಿಗೆ ಕಳೆದ ವರ್ಷ 1,018 ಕೋ.ರೂ. ಕಾಣಿಕೆ

Team Udayavani, Jan 8, 2017, 3:45 AM IST

ತಿರುಪತಿ: ದೇಶದ ಶ್ರೀಮಂತ ದೇವರಲ್ಲಿ ಒಬ್ಬನಾದ ತಿರುಪತಿ ವೆಂಕಟೇಶ್ವರನ ಹುಂಡಿಗೆ 2016ರಲ್ಲಿ ಭಾರೀ ಪ್ರಮಾಣದ ನಗದು ಹಾಗೂ ಚಿನ್ನ-ಬೆಳ್ಳಿ ರೂಪದ ಕಾಣಿಕೆ, ದೇಣಿಗೆ ಹರಿದುಬಂದಿದೆ.

ಕಳೆದ ವರ್ಷ ಇಲ್ಲಿಯ ಪ್ರಸಿದ್ಧ ವೆಂಕಟೇಶ್ವರ ದೇವಸ್ಥಾನದ ಹುಂಡಿಗೆ 1,018 ಕೋಟಿ ರೂ. ನಗದು ರೂಪದ ಕಾಣಿಕೆ ಹರಿದು ಬಂದಿದೆ ಎಂದು ತಿರುಪತಿ ತಿರುಮಲ ದೇವಸ್ಥಾನ (ಟಿಟಿಡಿ) ಶನಿವಾರ ತಿಳಿಸಿದೆ. 2016ರಲ್ಲಿ  ಸುಮಾರು 2.6 ಕೋಟಿ ಭಕ್ತರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದರು. ಅವರೆಲ್ಲ ಕಾಣಿಕೆ ನೀಡಿ, ಹುಂಡಿಯಲ್ಲಿ ಸಂದಾಯವಾದ ಹಣ 1,018 ಕೋಟಿ ರೂ. ಎಂದು ಟಿಟಿಡಿ ಕಾರ್ಯ ನಿರ್ವ ಹಣಾಧಿಕಾರಿ ಡಿ. ಸಾಂಬಶಿವ ರಾವ್‌ ತಿಳಿಸಿದ್ದಾರೆ.

ಇದಲ್ಲದೆ ಚಿನ್ನ, ಬೆಳ್ಳಿ ಆಭರಣಗಳೂ ಹುಂಡಿ ಯಲ್ಲಿ ಸಂದಾಯವಾಗಿವೆ. 67.12 ಲಕ್ಷ ಭಕ್ತರು ತಲಾ 300 ರೂ. ನೀಡಿ ಆನ್‌ಲೈನ್‌ ಮೂಲಕ ದರ್ಶನದ ಟಿಕೆಟ್‌ ಖರೀದಿಸಿ ದ್ದಾರೆ. ಈ ಮೂಲಕ 201 ಕೋಟಿ ರೂ. ಹೆಚ್ಚುವರಿ ಆದಾಯ ದೊರೆತಿದೆ ಎಂದು ಅವರು ಹೇಳಿದ್ದಾರೆ.

ಕಳೆದ ವರ್ಷ ಸುಮಾರು 10 ಕೋಟಿ ಲಾಡು ಪ್ರಸಾದ ತಯಾರಿಸಿದ್ದಾಗಿ ಅವರು ತಿಳಿಸಿದ್ದಾರೆ.