Guruvayur Devaswam ಒಡೆತನದಲ್ಲಿ 1,085 ಕೆ.ಜಿ. ಚಿನ್ನ!

Team Udayavani, Oct 7, 2024, 2:05 AM IST

ತೃಶೂರ್‌: ಕೇರಳದ ಪ್ರಸಿದ್ಧ ದೇಗುಲ ಆಡಳಿತ ಮಂಡಳಿಗಳಲ್ಲಿ ಒಂದಾಗಿರುವ ಗುರುವಾಯೂರು ದೇವಸ್ವಂ ಮಂಡಳಿ ವ್ಯಾಪ್ತಿಯಲ್ಲಿ 1,085 ಕೆ.ಜಿ. ಚಿನ್ನ, 271 ಎಕ್ರೆ ಜಮೀನಿನ ಮಾಲಕತ್ವ ಹೊಂದಿದೆ. 1,085 ಕೆ.ಜಿ.ಚಿನ್ನದ ಪೈಕಿ ಎಸ್‌ಬಿಐನಲ್ಲಿ 869 ಕೆ.ಜಿ. ಚಿನ್ನವನ್ನು ಹೂಡಿಕೆ ಮಾಡಲಾಗಿದ್ದು, 7 ಕೋಟಿ ವಾರ್ಷಿಕ ಬಡ್ಡಿ ಪ್ರಾಪ್ತವಾಗುತ್ತಿದೆ.

ಇದರ ಜತೆಗೆ 2,053 ಕೋಟಿ ರೂ.ಗಳ ಸ್ಥಿರ ಠೇವಣಿ ಕೂಡ ಹೊಂದಿದೆ ಎಂದು ಮಂಡಳಿ ತಿಳಿಸಿದೆ. ಈ ಬಗ್ಗೆ ಎರ್ನಾಕುಳಂನ ವ್ಯಕ್ತಿಯೊಬ್ಬರು ಮಾಹಿತಿ ಹಕ್ಕು ಕಾಯ್ದೆ ಅನ್ವಯ ಹಾಕಿದ್ದ ಅರ್ಜಿಗೆ ನೀಡಿದ ಉತ್ತರದಲ್ಲಿ ಈ ವಿವರ ಗಳನ್ನು ನೀಡಲಾಗಿದೆ. ದೇವಾಲಯಗಳ ದೈನಂದಿನ ಪೂಜೆಯಲ್ಲಿ ಇನ್ನಷ್ಟು ಚಿನ್ನ ಬಳಕೆಯಾಗುತ್ತಿದ್ದು, ಲಭ್ಯವಿರುವ ಎಲ್ಲ ಚಿನ್ನದ ಮೌಲ್ಯ ಪರಿಶೀಲಿಸುವಂತೆ ಹೈಕೋರ್ಟ್‌ಗೆ ಪಿಐಎಲ್‌ ಸಲ್ಲಿಕೆಯಾಗಿದೆ.