ಪೂರ್ವ ಎಕ್ಸ್‌ ಪ್ರೆಸ್‌ ರೈಲು ಹಳಿತಪ್ಪಿ 14 ಪ್ರಯಾಣಿಕರಿಗೆ ಗಾಯ

Team Udayavani, Apr 20, 2019, 9:59 AM IST

ಕಾನ್ಪುರ: ಇಲ್ಲಿನ ರೂಮಾ ರೈಲು ನಿಲ್ದಾಣದ ಸಮೀಪ ಹೌರಾ – ನವದೆಹಲಿ ‘ಪೂರ್ವ’ ಎಕ್ಸ್‌ ಪ್ರೆಸ್‌ ರೈಲಿನ 12 ಬೋಗಿಗಳು ಹಳಿತಪ್ಪಿದ ಕಾರಣ ಕನಿಷ್ಠ 14 ಪ್ರಯಾಣಿಕರು ಗಾಯಗೊಂಡಿರುವ ಕುರಿತು ವರದಿಯಾಗಿದೆ.

ಹಳಿ ತಪ್ಪಿರುವ 12 ಬೋಗಿಗಳಲ್ಲಿ ನಾಲ್ಕು ಬೋಗಿಗಳು ಸಂಪೂರ್ಣ ಮಗುಚಿಬಿದ್ದಿವೆ. ಈ ರೈಲು ಪ್ರಯಾಗದಿಂದ ನವದೆಹಲಿಗೆ ಸಾಗುತ್ತಿತ್ತು. ಘಟನೆಯಲ್ಲಿ ಇದುವರೆಗೆ ಯಾವುದೆ ಪ್ರಾಣಹಾನಿಗಳಾಗಿರುವ ಕುರಿತಾಗಿ ವರದಿಯಾಗಿಲ್ಲ.

ಗಾಯಾಳು ಪ್ರಯಾಣಿಕರನ್ನು ಸಮೀಪದ ಆಸ್ಪತ್ರಗೆ ದಾಖಲಿಸಲಾಗಿದೆ. ಮತ್ತು ಗಾಯಾಳುಗಳಲ್ಲಿ ಹಲವರು ಪ್ರಾಥಮಿಕ ಚಿಕಿತ್ಸೆಯ ಬಳಿಕ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ಗಂಭೀರವಾಗಿ ಗಾಯಗೊಂಡಿರುವ ಪ್ರಯಾಣಿಕರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ.

ಈ ದುರ್ಘಟನೆಗೆ ಸಂಬಂಧಿಸಿದಂತೆ ರೈಲ್ವೇ ಸುರಕ್ಷತಾ ಕಮಿಷನರ್‌ ಎ.ಕೆ. ಜೈನ್‌ ನೇತೃತ್ವದಲ್ಲಿ ತನಿಖೆ ಪ್ರಾರಂಭಗೊಂಡಿದೆ.

Kanpur: Morning visuals from the spot where 12 coaches of Poorva Express, plying from Howrah to New Delhi, derailed near Rooma village at around 1 am today. No casualties reported. pic.twitter.com/sFw0jZvVib

— ANI UP (@ANINewsUP) April 20, 2019