2000 ಮೀನುಗಾರರಿಗೆ ಲಂಕಾ ನೌಕಾಪಡೆಯ ಕಿರಿಕ್‌ ; 12 ಮಂದಿ ಸೆರೆ 

Team Udayavani, Mar 26, 2017, 11:45 AM IST

ರಾಮೇಶ್ವರಂ: ಶ್ರೀಲಂಕಾದ ನೌಕಾ ಪಡೆ ತಮಿಳುನಾಡಿನ 12 ಮಂದಿ ಮೀನುಗಾರರನ್ನು ಬಂಧಿಸಿ ಬೋಟ್‌ಗಳನ್ನು ವಶ ಪಡಿಸಿಕೊಂದ ಘಟನೆ ಶನಿವಾರ ರಾತ್ರಿ ನಡೆದಿದೆ. 

ನೆಡುತೀವ್‌ ಬಳಿ ಮೀನುಗಾರಿಗೆ ನಡೆಸುತ್ತಿದ್ದ ಸುಮಾರು 2000 ಮೀನುಗಾರರನ್ನು 10 ಬೋಟ್‌ಗಳಲ್ಲಿ ಬಂದ ಶ್ರೀಲಂಕಾ ನೌಕಾ ಪಡೆಗಳ ಸಿಬಂದಿಗಳು ಅಟ್ಟಾಡಿಸಿದ್ದಾರೆ ಮಾತ್ರವಲ್ಲದೆ ಬಾಟಲ್‌ಗ‌ಳನ್ನು ತೂರಿ ಬೆದರಿಸಿರುವ ಬಗ್ಗೆ ವರದಿಯಾಗಿದೆ.

ಈ ತಿಂಗಳಿನಲ್ಲಿ ಲಂಕಾ 5 ನೇ ಬಾರಿಗೆ ಮೀನುಗಾರರನ್ನು ಜಲಗಡಿ ಉಲ್ಲಂಘನೆ ಮಾಡಿದ ಆರೋಪದಲ್ಲಿ ವಶಕ್ಕೆ ಪಡೆಯುತ್ತಿದೆ. ಮಾರ್ಚ್‌ 14 ರಂದು 77 ಮೀನುಗಾರರನ್ನು ಬಿಡುಗಡೆ ಮಾಡಿತ್ತು,ಇದೀಗ 38 ಮಂದಿ ಮೀನುಗಾರರು ಮತ್ತು 131 ಬೋಟ್‌ಗಳು ಲಂಕಾ ಕಸ್ಟಡಿಯಲ್ಲಿವೆ.

ತಮಿಳುನಾಡಿನ ಮುಖ್ಯಮಂತ್ರಿ ಪಳನಿಸ್ವಾಮಿ ಅವರು ಪ್ರಧಾನಿ ನರೇಂದ್ರ ಮೋದಿ ಅವರು ಮೀನುಗಾರರ ಸುರಕ್ಷತೆಗಾಗಿ ಪ್ರಧಾನಿಗೆ ಪತ್ರ ಬರೆದಿದ್ದಾರೆ.