ಉತ್ತರ ಪ್ರದೇಶ ಅರಣ್ಯದಲ್ಲಿ 12 ಮಂಗಗಳ ನಿಗೂಢ ಸಾವು

Team Udayavani, Sep 6, 2017, 11:59 AM IST

ಲಖೀಂಪುರ, ಉತ್ತರ ಪ್ರದೇಶ : ಉತ್ತರ ಪ್ರದೇಶದ ದಕ್ಷಿಣ ಖೇರಿ ವಿಭಾಗದ ಮೊಹಮ್ಮದೀ ವಲಯದಲ್ಲಿನ ಅನೋಲಾ ಮೀಸಲು ಅರಣ್ಯ ಪ್ರದೇಶದಲ್ಲಿ ಸುಮಾರು 12 ಮಂಗಗಳು ನಿಗೂಢ ಸನ್ನಿವೇಶದಲ್ಲಿ ಸತ್ತು ಬಿದ್ದಿರುವುದು ಕಂಡುಬಂದಿದೆ. 

ಸೆ.4ರಂದು 9 ಮಂಗಗಳ ಶವಗಳನ್ನು ಅರಣ್ಯ ಸಿಬಂದಿಗಳು ಗಮನಿಸಿದರು ಉಳಿದ ಮೂರು ಶವಗಳು ನಿನ್ನೆ ಮಂಗಳವಾರ ಕಂಡು ಬಂದವು ಎಂದು ದಕ್ಷಿಣ ಖೇರಿಯ ವಿಭಾಗೀಯ ಅರಣ್ಯಾಧಿಕಾರಿ ಸಮೀರ್‌ ವರ್ಮಾ ತಿಳಿಸಿದ್ದಾರೆ. 

ಮೃತ ಮಂಗಗಳ ಶವ ಪರೀಕ್ಷೆಯನ್ನು ನಡೆಸಲಾಗಿದ್ದು  ಅವುಗಳ ಸಾವು ಕಿಡಿಗೇಡಿಗಳ ಕೃತ್ಯ ಅಲ್ಲವೆಂದು ಗೊತ್ತಾಗಿದೆ. ಈ ಮಂಗಗಳು ಹೃದಯಾಘಾತಕ್ಕೆ ಗುರಿಯಾಗಿ ಸತ್ತಿರಬಹುದು ಎಂದು ಶಂಕಿಸಲಾಗಿದೆ. ಶವ ಪರೀಕ್ಷೆ ವರದಿ ಇನ್ನಷ್ಟೇ ಬರಬೇಕಿದೆ ಎಂದು ವರ್ಮಾ ತಿಳಿಸಿದ್ದಾರೆ.