ಹಿರಿಯ ದಂಪತಿಯನ್ನು ಕೊಲೆಗೈದು, ದರೋಡೆ: ಇಡೀ ಕೃತ್ಯದ ಮಾಸ್ಟರ್‌ ಮೈಂಡ್‌ 12 ವರ್ಷದ ಅಪ್ರಾಪ್ತ ಬಾಲಕ.!

Team Udayavani, Dec 25, 2022, 12:35 PM IST

ಉತ್ತರ ಪ್ರದೇಶ: ಹಿರಿಯ ದಂಪತಿಯನ್ನು ಕೊಲೆಗೈದು ಹತ್ಯೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ಗಾಜಿಯಾಬಾದ್‌ ಪೊಲೀಸರು 12 ವರ್ಷದ ಅಪ್ರಾಪ್ತ ಬಾಲಕನನ್ನು ಸೇರಿ ಮೂವರನ್ನು ಬಂಧಿಸಿದ್ದಾರೆ.

ನ.22 ರಂದು ಗುಜರಿ ವ್ಯಾಪಾರಿ ಇಬ್ರಾಹಿಂ ಹಾಗೂ ಅವರ ಪತ್ನಿ ಹಜ್ರಾ ಹತ್ಯೆಯಾದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ಇಬ್ರಾಹಿಂ ಅವರ ದೇಹ ಮನೆಯಲ್ಲಿ ಪತ್ತೆಯಾಗಿತ್ತು. ಅವರ ಪತ್ನಿಯ ದೇಹ ಜಮೀನಿನ ಶೌಚಾಲಯದ ಬಳಿ ಪತ್ತೆಯಾಗಿತ್ತು.

ಪೊಲೀಸರು ಈ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದು, ಈ ಕೃತ್ಯದ ಹಿಂದೆ ಇದ್ದ 12 ವರ್ಷದ ಬಾಲಕನನ್ನು ಬಂಧಿಸಿ, ವಿಚಾರಣೆ ನಡೆಸಿದ ಬಳಿಕ ಕೃತ್ಯದ ಹಿಂದಿನ ಕಾರಣ ಬಯಲಾಗಿದೆ.

ಇದನ್ನೂ ಓದಿ: ಟಾಲಿವುಡ್‌ ರಂಗಕ್ಕೆ ಮತ್ತೊಂದು ಆಘಾತ: 600 ಕ್ಕೂ ಹೆಚ್ಚಿನ ಸಿನಿಮಾದಲ್ಲಿ ನಟಿಸಿದ್ದ ಛಲಪತಿ ರಾವ್ ನಿಧನ

12 ವರ್ಷದ ಬಾಲಕ ಹಿರಿಯ ದಂಪತಿಗೆ ಪರಿಚಯಸ್ಥನಾಗಿದ್ದ. ದಂಪತಿಗಳು ಗುಜರಿ ವ್ಯಾಪಾರ ಮಾಡಿಕೊಂಡು ಸಾಕಷ್ಟು ಹಣ ಉಳಿಸಿಕೊಂಡು ಇದ್ದಾರೆಂದು ಅರಿತ ಬಾಲಕ , ಈ ವಿಚಾರವನ್ನು ಇತರ ಮೂವರ ಬಳಿ ಹೇಳಿ ದರೋಡೆಗೆ ಯೋಜನೆ ಹಾಕಿಕೊಂಡಿದ್ದ. ನಂತರ ಬಾಲಕ ಸೇರಿ ಮೂವರು ದರೋಡೆಗೆ ಯತ್ನಿಸಿದ್ದಾರೆ. ದರೋಡೆಗೆ ಯತ್ನಿಸುವಾಗಲೇ ಈ ಕೃತ್ಯವನ್ನು ಎಸಗಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.

ಈ ಕೃತ್ಯವನ್ನು ಎಸೆದವರಲ್ಲಿ ಬಾಲಕ ಸೇರಿ ಮಂಜೇಶ್, ಶಿವಂರನ್ನು ಬಂಧಿಸಿದ್ದು, ನಾಲ್ಕನೇ ಆರೋಪಿ ಸಂದೀಪ್ ಪರಾರಿಯಾಗಿದ್ದಾನೆ. ಆರೋಪಿಗಳಿಂದ 12 ಸಾವಿರ ರೂ. ಒಂದು ಮೊಬೈಲ್‌ ಹಾಗೂ ಚಿನ್ನದ ಸರವನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.