133 ಕೋಟಿ ಡೋಸ್‌ ಲಸಿಕೆ; ಶನಿವಾರ ಒಂದೇ ದಿನ 81 ಲಕ್ಷ ಡೋಸ್‌ ನೀಡಿಕೆ

Team Udayavani, Dec 12, 2021, 7:00 AM IST

ಸಾಂದರ್ಭಿಕ ಚಿತ್ರ.

ಹೊಸದಿಲ್ಲಿ: ದೇಶದಲ್ಲಿ ಇದುವರೆಗೆ 133 ಕೋಟಿ ಡೋಸ್‌ ಲಸಿಕೆ ಹಾಕಲಾಗಿದೆ. ಈ ಪೈಕಿ ಶನಿವಾರ ರಾತ್ರಿ 7ರ ವರೆಗೆ 81 ಲಕ್ಷ ಡೋಸ್‌ ಲಸಿಕೆಗಳನ್ನು ಹಾಕಲಾಗಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಟ್ವೀಟ್‌ ಮಾಡಿದೆ.

ದೇಶದಲ್ಲಿ ಇದುವರೆಗೆ ಮೊದಲ ಡೋಸ್‌ ಪಡೆದವರ ಒಟ್ಟು ಸಂಖ್ಯೆ 81.41 ಕೋಟಿಗೆ ಏರಿದ್ದರೆ ಎರಡನೇ ಡೋಸ್‌ ಪಡೆದವರ ಸಂಖ್ಯೆ 51.41 ಕೋಟಿ ಎಂದು ತಿಳಿಸಿದೆ.

ಈ ನಡುವೆ ಹೊಸದಿಲ್ಲಿಯಲ್ಲಿ ಶನಿವಾರ ಒಮಿಕ್ರಾನ್‌ನ ಎರಡನೇ ಪ್ರಕರಣ ದೃಢಪಟ್ಟಿದೆ. ಹೀಗಾಗಿ ದೇಶದಲ್ಲಿ ಒಟ್ಟು ಪ್ರಕರಣಗಳ ಸಂಖ್ಯೆ 33ಕ್ಕೆ ಏರಿಕೆಯಾಗಿದೆ. ಇದೇ ವೇಳೆ ಪಣಜಿಗೆ ದಕ್ಷಿಣ ಆಫ್ರಿಕಾದಿಂದ ಆಗಮಿಸಿದ ಐವರಿಗೆ ಸೋಂಕು ಪತ್ತೆ ಪರೀಕ್ಷೆ ನಡೆಸಲಾಗಿದ್ದು, ಅವರಿಗೆ ನೆಗೆಟಿವ್‌ ಬಂದಿದೆ.
ಪಂಚ ನದಿ ಯೋಜನೆಗೆ ಮೋದಿ ಚಾಲನೆ; 45 ವರ್ಷಗಳ ಬಳಿಕ ಪಶ್ಚಿಮ ಉ.ಪ್ರ.ದ ಪ್ರಮುಖ ಯೋಜನೆಗೆ ಚಾಲನೆ

ಮಹಾರಾಷ್ಟ್ರದಲ್ಲಿ ಶನಿವಾರ ಕೊರೊನಾದ ಹೊಸ ರೂಪಾಂತರಿ ಪ್ರಕರಣ ದೃಢಪಟ್ಟಿಲ್ಲ ಎಂದು ಆರೋಗ್ಯ ಸಚಿವ ರಾಜೇಶ್‌ ಟೋಪೆ ಶನಿವಾರ ಮುಂಬಯಿಯಲ್ಲಿ ತಿಳಿಸಿದ್ದಾರೆ. ಸದ್ಯ ಮಹಾರಾಷ್ಟ್ರದಲ್ಲಿ ಹೊಸ ರೂಪಾಂತರಿಯ ಒಟ್ಟು ಪ್ರಕರಣಗಳ ಸಂಖ್ಯೆ 17 ಆಗಿದೆ.

ಹೊಸ ಕಿಟ್‌ ಅಭಿವೃದ್ಧಿ
ಐಸಿಎಂಆರ್‌ ಕೇವಲ 2 ತಾಸುಗಳಲ್ಲಿ ಒಮಿಕ್ರಾನ್‌ ರೂಪಾಂತರಿ ಪತ್ತೆ ಹಚ್ಚುವ ಹೊಸ ಕಿಟ್‌ ಅಭಿವೃದ್ಧಿಪಡಿಸಿದೆ. ಅಸ್ಸಾಂನ ದಿಬ್ರೂಗಢದಲ್ಲಿರುವ ಐಸಿಎಂಆರ್‌ನ ಶಾಖೆ ಈ ಸಾಧನೆ ಮಾಡಿದೆ.