1,500 ಅಪ್ರಸ್ತುತ ಕಾನೂನುಗಳನ್ನು ಹಿಂಪಡೆಯಲಿದೆ ಕೇಂದ್ರ: ಸಚಿವ ಕಿರಣ್‌ ರಿಜಿಜು

Team Udayavani, Oct 23, 2022, 8:45 PM IST

ಶಿಲ್ಲಾಂಗ್‌: ಸದ್ಯ ಪ್ರಸ್ತುತತೆಯನ್ನು ಹೊಂದಿಲ್ಲದ, 1500ಕ್ಕೂ ಅಧಿಕ ಹಳೆಯ ಕಾನೂನುಗಳನ್ನು ಕೇಂದ್ರ ಸರ್ಕಾರ ಹಿಂಪಡೆಯಲಿದೆ ಎಂದು ಕೇಂದ್ರ ಕಾನೂನು ಸಚಿವ ಕಿರಣ್‌ ರಿಜಿಜು ಹೇಳಿದ್ದಾರೆ.

ಹಳೆಯ, ಅಪ್ರಸ್ತುತ ಕಾನೂನುಗಳು ಜನರ ಬದುಕಿಗೆ ಅಡ್ಡಿಯಾಗಿವೆ. ಜನ ಸಾಧ್ಯವಾದಷ್ಟು ನೆಮ್ಮದಿಯಿಂದ ಇರಬೇಕೆನ್ನುವುದು ಕೇಂದ್ರ ಸರ್ಕಾರದ ಬಯಕೆ. ಆದ್ದರಿಂದ ಎಲ್ಲ ಕಾನೂನುಗಳನ್ನು ತೆಗೆದುಹಾಕುವುದು ಕೇಂದ್ರದ ನಿರ್ಧಾರ. ಇಂತಹ ಕಾನೂನುಗಳನ್ನು ತೆಗೆದುಹಾಕುವ ಹಲವು ಕಾಯ್ದೆಗಳನ್ನು ಜಾರಿ ಮಾಡಲು ತಾವು ಸಿದ್ಧ ಎಂದು ರಿಜಿಜು ಹೇಳಿದ್ದಾರೆ.

ಕೇಂದ್ರ ಸರ್ಕಾರ ಈಶಾನ್ಯ ಭಾರತಕ್ಕೆ ವಿಶೇಷ ಆದ್ಯತೆ ನೀಡಿದೆ. ಯಾವುದೇ ಕ್ಷೇತ್ರಗಳಲ್ಲಿ ಹಿಂದುಳಿಯಲು ಕಾರಣವೇ ಇಲ್ಲ ಎಂದು ರಿಜಿಜು ಹೇಳಿದ್ದಾರೆ.