ದೆಹಲಿ ಆಪ್ ಶಾಸಕ ಅಮಾನತುಲ್ಲಾ ಖಾನ್ ವಿರುದ್ಧ 18 ಎಫ್‌ಐಆರ್‌ಗಳು ದಾಖಲು

Team Udayavani, May 13, 2022, 3:08 PM IST

ನವದೆಹಲಿ :ದೆಹಲಿಯ ಎಎಪಿ ಶಾಸಕ ಅಮಾನತುಲ್ಲಾ ಖಾನ್ ವಿರುದ್ಧ ಇಲ್ಲಿಯವರೆಗೆ 18 ಎಫ್‌ಐಆರ್‌ಗಳು ದಾಖಲಾಗಿವೆ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ. ಎಸ್‌ಡಿಎಂಸಿ ಅತಿಕ್ರಮಣ-ವಿರೋಧಿ ಪ್ರತಿಭಟನೆ ಯನ್ನು ನಡೆಸಿದ ಕಾರಣ ಗುರುವಾರ ಮದನ್‌ಪುರ ಖಾದರ್ ಪ್ರದೇಶದಲ್ಲಿ ದೆಹಲಿ ಪೊಲೀಸರು ಖಾನ್ ಅವರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಿದ್ದರು.

ದೆಹಲಿ ಪೊಲೀಸರು ಈಗಾಗಲೇ ಖಾನ್ ಅವರನ್ನು, ಬ್ಯಾಡ್ ಕ್ಯಾರೆಕ್ಟರ್ (ಕೆಟ್ಟ ವ್ಯಕ್ತಿತ್ವ) ಎಂದು ಘೋಷಿಸಿದ್ದಾರೆ. ಅಮಾನತುಲ್ಲಾ ಖಾನ್ ವಿರುದ್ಧ 18 ಕ್ರಿಮಿನಲ್ ಪ್ರಕರಣಗಳು ದಾಖಲಾಗಿವೆ. ಭೂಕಬಳಿಕೆ ಮತ್ತು ಹಲ್ಲೆ ಪ್ರಕರಣಗಳು ದಾಖಲಾಗಿವೆ ಎಂದು ಡಿಸಿಪಿ ತಿಳಿಸಿದ್ದಾರೆ.

ಇದನ್ನೂ ಓದಿ : ಬಾಬ್ರಿ ಮಸೀದಿ ಕಳೆದುಕೊಂಡೆವು, ಈಗ ಇನ್ನೊಂದು ಮಸೀದಿ ಕಳೆದುಕೊಳ್ಳಬಾರದು: ಒವೈಸಿ

ದಕ್ಷಿಣ ದೆಹಲಿ ಮಹಾನಗರ ಪಾಲಿಕೆಯು ವಿಷ್ಣು ಗಾರ್ಡನ್ ಪ್ರದೇಶದ ಖಯಾಲಾ ರಸ್ತೆಯಲ್ಲಿ ಶುಕ್ರವಾರವೂ ಪ್ರತಿ ಭಟನೆಯ ನಡುವೆಯೂ ಅತಿಕ್ರಮಣ ವಿರೋಧಿ ಅಭಿಯಾನವನ್ನು ನಡೆಸಲಾಗುತ್ತಿದೆ.