ದಕ್ಷಿಣ ಸುಡಾನ್‌: ಅಪಹೃತ ಭಾರತೀಯರಿಬ್ಬರ ಬಂಧಮುಕ್ತಿ: ಸುಶ್ಮಾ ಸ್ವರಾಜ್

Team Udayavani, Mar 31, 2017, 11:43 AM IST

ಹೊಸದಿಲ್ಲಿ : ದಕ್ಷಿಣ ಸುಡಾನ್‌ನಲ್ಲಿ ಅಪಹೃತರಾಗಿದ್ದ ಇಬ್ಬರು ಭಾರತೀಯ ಪೆಟ್ರೋಲಿಯಂ ಇಂಜಿನಿಯರ್‌ಗಳು ಬಿಡುಗಡೆಗೊಂಡಿರುವುದಾಗಿ ವಿದೇಶ ವ್ಯವಹಾರಗಳ ಸಚಿವ ಸುಶ್ಮಾ ಸ್ವರಾಜ್‌ ತಿಳಿಸಿದ್ದಾರೆ.

“ಇಬ್ಬರು ಭಾರತೀಯ ಪ್ರಜೆಗಳಾದ ಮಿಥುನ್‌ ಮತ್ತು ಎಡ್ವರ್ಡ್‌ ಅವರು ದಕ್ಷಿಣ ಸುಡಾನ್‌ನಲಿಲ ಅಪಹೃತರಾಗಿದ್ದರು. ಬಂಧಮುಕ್ತರಾದ ಅವರು ಖರ್ತೋಮ್‌ನಲ್ಲಿನ ಭಾರತೀಯ ದೂತಾವಾಸವನ್ನು ಸುರಕ್ಷಿತವಾಗಿ ತಲುಪಿದ್ದಾರೆ ಎಂದು ತಿಳಿಸಲು ನಾನು ಸಂತಸಪಡುತ್ತೇನೆ.ಇವರ ಬಿಡುಗಡೆಗೆ ಶ್ರಮಿಸಿದ ದಕ್ಷಿಣ ಸುಡಾನ್‌ನಲ್ಲಿ ಭಾರತೀಯ ರಾಯಭಾರಿ ಶ್ರೀಕುಮಾರ್‌ ಮೆನನ್‌ ಅವರನ್ನು ನಾನು ಅಭಿನಂದಿಸುತ್ತೇನೆ’ ಎಂದು ಸುಶ್ವಾ ಸ್ವರಾಜ್‌ ಈ ಬಗ್ಗೆ ಮಾಡಿರುವ ಸರಣಿ ಟ್ವೀಟ್‌ನಲ್ಲಿ ಹೇಳಿದ್ದಾರೆ.

ಈ ತಿಂಗಳ ಆದಿಯಲ್ಲಿ ಭಾರತೀಯರಾದ ಮಿಥುನ್‌ ಗಣೇಶ್‌ ಮತ್ತು ಎಡ್ವರ್ಡ್‌ ಎಂಬ್ರೋಸ್‌ ಅವರನ್ನು ಪಾಕ್‌ ಪ್ರಜೆ ಅಯಾಜ್‌ ಹುಸೇನ್‌ ಜಮಾಲಿ ಅವರೊಂದಿಗೆ ಬಂಡುಕೋರರು ಅವರ ಕಾರ್ಯಸ್ಥಳಕ್ಕೆ ಸಮೀಪದಿಂದ ಅಪಹರಿಸಿ ಒಯ್ದಿದ್ದರು. ಜಮಾಲಿ ಅವರನ್ನು ಕೂಡ ಬಿಡುಗಡೆಗೊಳಿಸಲಾಗಿದೆ ಎಂದು ತಿಳಿದುಬಂದಿದೆ.