2020ಕ್ಕಿಂತ 21ರಲ್ಲಿ ಇನ್ನಷ್ಟು ಸಂಕಷ್ಟ

Team Udayavani, Nov 15, 2020, 11:34 PM IST

ಸಾಂದರ್ಭಿಕ ಚಿತ್ರ

ಹೊಸದಿಲ್ಲಿ: ಈಗಾಗಲೇ ಕೋವಿಡ್ ವೈರಸ್‌ ಸುಳಿಗೆ ಸಿಲುಕಿ ಇಡೀ ಜಗತ್ತೇ ನಲುಗುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ಆದರೆ, ವಿಶ್ವ ಆಹಾರ ಸಂಸ್ಥೆ ಪ್ರಕಾರ 2020ಕ್ಕಿಂತ 2021 ಇನ್ನಷ್ಟು ಭೀಕರವಾದ ಪರಿಸ್ಥಿತಿ ಎದುರಿಸಲಿದೆ!

ಹೌದು, ಸದ್ಯ ಕೊರೊನಾದಿಂದಾಗಿ ಜಗತ್ತಿನಾದ್ಯಂತ ಭಾರೀ ಸಂಖ್ಯೆಯಲ್ಲಿ ಸಾವು ನೋವುಗಳು ಸಂಭವಿಸುತ್ತಿವೆ. ಆದರೆ, ಮುಂದಿನ ವರ್ಷ ಹಸಿವು ಹೆಚ್ಚಾಗಿ ಕಾಡುವ ಸಾಧ್ಯತೆ ಇದೆ ಎಂದು ವಿಶ್ವ ಆಹಾರ ಸಂಸ್ಥೆ ಜಾಗತಿಕ ನಾಯಕರಿಗೆ ಎಚ್ಚರಿಕೆ ನೀಡಿದೆ. ಇಂಥ ಪರಿಸ್ಥಿತಿ ಎದುರಾಗುವ ಮುನ್ನ, ನಾಯಕರು ಎಚ್ಚೆತ್ತುಕೊಳ್ಳಬೇಕು. ಆಹಾರ ಭದ್ರತೆಗಾಗಿ ಕಾರ್ಯಕ್ರಮಗಳು, ಉತ್ತೇಜನ ಕ್ರಮಗಳನ್ನು ಘೋಷಿಸಬೇಕು ಎಂದೂ ಈ ಸಂಸ್ಥೆ ಹೇಳಿದೆ.

ಇದೇ ಸಂಸ್ಥೆಗೆ ಜಾಗತಿಕ ಮಟ್ಟದಲ್ಲಿ ಹಸಿವು ನಿರ್ಮೂಲನೆಗಾಗಿ ಮಾಡಿದ ಕೆಲಸದಿಂದಾಗಿ ನೊಬೆಲ್‌ ಶಾಂತಿ ಪ್ರಶಸ್ತಿ ಬಂದಿದೆ. ಈ ಬಗ್ಗೆಯೂ ಸಂಸ್ಥೆ ಹರ್ಷ ವ್ಯಕ್ತಪಡಿಸಿದೆ.