ಏರಿಂಡಿಯಾಕ್ಕೆ ದಿನಾ 23 ಕೋಟಿ ನಷ್ಟ

Team Udayavani, Sep 17, 2019, 5:15 AM IST

ನವದೆಹಲಿ: ಸರ್ಕಾರಿ ಸ್ವಾಮ್ಯದ ವಿಮಾನ ಸಂಸ್ಥೆ ಏರ್‌ ಇಂಡಿಯಾಕ್ಕೆ ಪ್ರತಿ ದಿನ 23 ಕೋಟಿ ರೂ. ನಷ್ಟವಾಗುತ್ತದೆ. ಹೇಗಾದರೂ ಮಾಡಿ ಆ ಸಂಸ್ಥೆಯಿಂದ ಬಂಡವಾಳ ಹಿಂಪಡೆಯಬೇಕು ಎಂದು ನಿರ್ಧಾರ ಕೈಗೊಂಡಿರುವ ಕೇಂದ್ರಕ್ಕೆ ಈ ಬೆಳವಣಿಗೆ ಸವಾಲಾಗಿ ಪರಿಣಮಿಸಿದೆ. 2018-’19 ಸಾಲಿನಲ್ಲಿ ಏರ್‌ ಇಂಡಿಯಾ, ಇಂಡಿಯನ್‌ ಏರ್‌ಲೈನ್ಸ್‌ ಅನ್ನು ವಿಲೀನಗೊಳಿಸಿದ ಬಳಿಕ ಅದು ಲಾಭದ ಹಳಿಗೆ ಮರಳಿಯೇ ಇಲ್ಲ. ಇದೇ ವೇಳೆ ಏರ್‌ ಇಂಡಿಯಾ ಅಸೆಟ್ಸ್‌ ಹೋಲ್ಡಿಂಗ್ಸ್‌ (ಎಐಎಎಚ್‌ಎಲ್‌) ಮೊದಲ ಬಾರಿಗೆ ಬಾಂಡ್‌ ಹೊರಡಿಸಿದೆ.

ಸೋಮವಾರವೇ ಅದಕ್ಕೆ ನಿರೀಕ್ಷೆಗೂ ಮೀರಿ ಬೇಡಿಕೆ ವ್ಯಕ್ತವಾಗಿದ್ದು, 7 ಸಾವಿರ ಕೋಟಿ ರೂ. ಸಂಗ್ರಹವಾಗಿದೆ ಎಂದು ಸಂಸ್ಥೆಯ ವಕ್ತಾರರು ಹೇಳಿದ್ದಾರೆ. ಬಾಂಡ್‌ ಅವಧಿ ಮೂರು ವರ್ಷದ ಅವಧಿಯದ್ದಾಗಿದೆ. 58 ಸಾವಿರ ಕೋಟಿ ರೂ. ಸಾಲ ಹೊಂದಿರುವ ಸಂಸ್ಥೆಗೆ ಈ ಮೊತ್ತ ಕೊಂಚ ನೆರವು ನೀಡುವ ಸಾಧ್ಯತೆ ಇದೆ.