Gymನಲ್ಲಿ ವರ್ಕ್ ಔಟ್ ಮಾಡುತ್ತಲೇ ಕುಸಿದು ಬಿದ್ದು ಯುವಕ ಮೃತ್ಯು… ಜಿಮ್‌ ಮ್ಯಾನೇಜರ್ ಬಂಧನ

Team Udayavani, Jul 20, 2023, 1:47 PM IST

ನವದೆಹಲಿ: ಅತ್ಯಂತ ದುರದೃಷ್ಟಕರ ಘಟನೆಯೊಂದರಲ್ಲಿ, ಉತ್ತರ ದೆಹಲಿಯ ರೋಹಿಣಿ ಪ್ರದೇಶದಲ್ಲಿನ ಜಿಮ್ ಒಂದರಲ್ಲಿ ವರ್ಕ್ ಔಟ್ ಮಾಡುವ ವೇಳೆ ಯುವಕನೊಬ್ಬ ಏಕಾಏಕಿ ಕುಸಿದು ಬಿದ್ದು ಮೃತಪಟ್ಟ ಘಟನೆಯೊಂದು ನಡೆದಿದೆ.

ಮೃತ ಯುವಕನನ್ನು ರೋಹಿಣಿ ಸೆಕ್ಟರ್ 19ರ ನಿವಾಸಿ ಸಕ್ಷಮ್ ಪೃಥಿ (24 ವರ್ಷ) ಎಂದು ಗುರುತಿಸಲಾಗಿದೆ.

ದೆಹಲಿಯ ಸೆಕ್ಟರ್ 15ರ ಜಿಂಪ್ಲೆಕ್ಸ್ ಫಿಟ್‌ನೆಸ್ ಝೋನ್‌ನಲ್ಲಿ ಮಂಗಳವಾರ ಬೆಳಗ್ಗೆ 7:30ಕ್ಕೆ ಈ ಘಟನೆ ನಡೆದಿದ್ದು,

ಜಿಮ್ ನಲ್ಲಿ ಇರುವ ಟ್ರೆಡ್‌ಮಿಲ್‌ನಲ್ಲಿ ವ್ಯಾಯಾಮ ಮಾಡುವಾಗ ಏಕಾಏಕಿ ಕುಸಿದು ಬಿದ್ದಿದ್ದಾರೆ. ಕೂಡಲೇ ಅಲ್ಲಿದ್ದ ಇತರ ಯುವಕರು ಸೇರಿ ಸಕ್ಷಮ್ ನನ್ನು ಆಸ್ಪತ್ರೆಗೆ ಸೇರಿಸಿದ್ದಾರೆ ಆದರೆ ದುರದೃಷ್ಟವಶಾತ್ ಸಕ್ಷಮ್ ಆಸ್ಪತ್ರೆ ದಾರಿಯಲ್ಲೇ ಕೊನೆಯುಸಿರೆಳೆದಿದ್ದಾರೆ.

ಬಳಿಕ ನಡೆಸಿದ ಮರಣೋತ್ತರ ಪರೀಕ್ಷೆಯಲ್ಲಿ ಸಕ್ಷಮ್ ವಿದ್ಯುತ್ ಆಘಾತದಿಂದ ಮೃತಪಟ್ಟಿರುವುದು ಬೆಳಕಿಗೆ ಬಂದಿದೆ. ಘಟನೆಗೆ ಸಂಬಂಧಿಸಿ ಪರಿಶೀಲನೆ ನಡೆಸಿದಾಗ ಟ್ರೇಡ್ ಮಿಲ್ ನಲ್ಲಿ ವಿದ್ಯುತ್ ಹರಿದಿರುವುದು ಬೆಳಕಿಗೆ ಬಂದಿದೆ.
ಘಟನೆಗೆ ಸಂಬಂಧಿಸಿ ಜಿಮ್ ಮ್ಯಾನೇಜರ್ ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

रोहिणी में जिम में वर्कआउट करते वक्त ट्रेडमिल में दौड़ा करंट, युवक की मौत ।
जिम संचालक के खिलाफ मुकदमा दर्ज ।
रोहिणी के केएन काटजू मार्ग इलाके में एक जिम के अंदर ट्रेडमिल में करंट आने से एक नौजवान युवक की दर्दनाक मौत हो गई। घटना मंगलवार सुबह सात बजे की है। मृतक 24 साल का है। pic.twitter.com/Z13ZoVmHut

— Atulkrishan (@iAtulKrishan) July 20, 2023