ಬೈಕಿಗೆ ಅಪರಿಚಿತ ವಾಹನ ಢಿಕ್ಕಿ ಹೊಡೆದು ಪರಾರಿ: 3 ಸಾವು

Team Udayavani, Nov 23, 2017, 7:13 PM IST

ತೇಜ್‌ಪುರ, ಅಸ್ಸಾಂ : ಸೋಂತಿಪುರ ಜಿಲ್ಲೆಯ ಸಲಾನಿಬಾರಿ ಪೊಲೀಸ್‌ ಹೊರ ಠಾಣೆ ವ್ಯಾಪ್ತಿಗೊಳಪಡುವ ಘೋರಾಮರಿ ಎಂಬಲ್ಲಿನ 15ನೇ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬೈಕ್‌ ಗೆ ಅಪರಿಚಿತ ವಾಹನವೊಂದು ಹಿಂಬದಿಯಿಂದ ಢಿಕ್ಕಿ ಹೊಡೆದ ಕಾರಣ ಬೈಕ್‌ನಲ್ಲಿದ್ದ ಮೂವರು ತರುಣರು ಮೃತಪಟ್ಟರು ಎಂದು ಪೊಲೀಸರು ತಿಳಿಸಿದ್ದಾರೆ.

ಮೂವರಲ್ಲಿ ಇಬ್ಬರು ಸ್ಥಳದಲ್ಲೇ ಮೃತಪಟ್ಟರೆ ಮೂರನೇಯವ ಆಸ್ಪತ್ರೆಗೆ ಒಯ್ಯಲ್ಪಡುವ ಹಾದಿಯಲ್ಲೇ ಕೊನೆಯುಸಿರೆಳೆದ.

ಮೂವರಲ್ಲಿ ಒಬ್ಟಾತನನ್ನು ಜೇಮ್ಸ್‌ ತಾಪ್ನೊà (ಸೋಲ್‌ವುರಾ ದ ಪುನಿಯಾನಇ ಗ್ರಾಮದವ) ಎಂದು ಗುರುತಿಸಲಾಗಿದ್ದು ಉಳಿದಿಬ್ಬರ ಗುರುತು ಇನ್ನೂ ಪತ್ತೆಯಾಗಿಲ್ಲ ಎಂದು ಅಧಿಕಾರಿ ತಿಳಿಸಿದ್ದಾರೆ. 

ಅಪಘಾತವೆಸಗಿ 3 ಜೀವಗಳನ್ನು ಬಲಿ ಪಡೆದು ಪರಾರಿಯಾಗಿರುವ ಅಪರಿಚಿತ ವಾಹನವನ್ನು ಮತ್ತದರ ಚಾಲಕನನ್ನು ಪತ್ತೆ ಹಚ್ಚುವ ಕಾರ್ಯಾಚರಣೆ ಸಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.