35 ಅಕ್ರಮ ಟೆಲಿಫೋನ್‌ ಎಕ್ಸ್‌ಚೇಂಜ್‌ ಮೇಲೆ ದಾಳಿ, 26 ಮಂದಿ ಸೆರೆ

Team Udayavani, Oct 11, 2017, 11:49 AM IST

ಥಾಣೆ : ಇಲ್ಲಿನ ಭಿವಂಡಿ ಪಟ್ಟಣ ಪ್ರದೇಶದಲ್ಲಿ  ಸುಮಾರು 35 ಅಕ್ರಮ ವಿಓಐಪಿ (Voice over Internet Protocol – VoIP) ಟೆಲಿಫೋನ್‌ ಎಕ್ಸ್‌ಚೇಂಜ್‌ಗಳ ಮೇಲೆ ದಾಳಿ ನಡೆದಿದ್ದು ವಿವಿಧ ತಾಣಗಳಿಂದ ಸುಮಾರು 26 ಮಂದಿಯನ್ನು ಬಂಧಿಸಲಾಗಿದೆ ಎಂದು ಪೊಲೀಸ್‌ ಅಧಿಕಾರಿ ತಿಳಿಸಿದ್ದಾರೆ.

ನಿನ್ನೆ ಮಂಗಳವಾರ ಬೆಳಗ್ಗಿನಿಂದಲೇ ಆರಂಭವಾಗಿದ್ದ ಈ ದಾಳಿ ನಿನ್ನೆ ತಡರಾತ್ರಿಯ ವರೆಗೂ ನಡೆದಿದ್ದು ಹಲವಾರು ಉನ್ನತ ಮಟ್ಟದ ವಿದ್ಯುನ್ಮಾನ ಉಪಕರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದವರು ತಿಳಿಸಿದ್ದಾರೆ. 

ಥಾಣೆ ಕ್ರೈಮ್‌ ಬ್ರಾಂಚ್‌ ಸಹಕಾರದೊಂದಿಗೆ ಈ ದಾಳಿಗಳನ್ನು ನಡೆಸಲಾಯಿತೆಂದು ಅವರು ತಿಳಿಸಿದರು. ಯುಎಇ ಮತ್ತು ಮಧ್ಯಪೂರ್ವ ದೇಶಗಳಿಂದ ಬರುತ್ತಿದ್ದ ಕರೆಗಳನ್ನು ನಿರ್ವಹಿಸುತ್ತಿದ್ದ ಈ ಅಕ್ರಮ ಟೆಲಿಫೋನ್‌ ಎಕ್ಸ್‌ಚೇಂಜ್‌ಗಳು ಬಳಸುತ್ತಿದ್ದ ಅತ್ಯಾಧುನಿಕ ಉನ್ನತ ಮಟ್ಟದ ಉಪಕರಣಗಳಿಂದಾಗಿ ಕರೆ ಮಾಡಿದವರ ಐಡಿ ಗೊತ್ತಾಗುತ್ತಿರಲಿಲ್ಲ ಮತ್ತು ಅವರ ಸುದೀರ್ಘ‌ ಫೋನ್‌ ಸಂಭಾಷಣೆ ಸುಲಲಿತವಾಗಿ ನಡೆಯುತ್ತಿತ್ತು ಎಂದು ಪೊಲೀಸ್‌ ಅಧಿಕಾರಿ ಹೇಳಿದರು.