ಒವೈಸಿಗೆ ಆಘಾತ : 4 ಎಐಎಂಐಎಂ ಶಾಸಕರು ಆರ್‌ಜೆಡಿ ಸೇರ್ಪಡೆ

Team Udayavani, Jun 29, 2022, 6:06 PM IST

ಪಾಟ್ನಾ : ಬಿಹಾರದಲ್ಲಿ ಅಸಾದುದ್ದೀನ್ ಓವೈಸಿಗೆ ಭಾರಿ ಆಘಾತ ಎಂಬಂತೆ ಎಐಎಂಐಎಂನ ಐವರು ಶಾಸಕರ ಪೈಕಿ ನಾಲ್ವರು ಪ್ರತಿಪಕ್ಷ ಆರ್‌ಜೆಡಿ ಸೇರ್ಪಡೆಯಾಗಿದ್ದು,ಇದರಿಂದಾಗಿ ಬಿಹಾರದಲ್ಲಿ ಏಕೈಕ ದೊಡ್ಡ ಪಕ್ಷ ಎಂಬ ಸ್ಥಾನಮಾನವನ್ನು ಆರ್‌ಜೆಡಿ ಮರಳಿ ಪಡೆದುಕೊಂಡಿದೆ.

ವಿರೋಧ ಪಕ್ಷದ ನಾಯಕ ತೇಜಸ್ವಿ ಯಾದವ್ ಅವರು ಸ್ವತಃ ಕಾರು ಚಾಲನೆ ಮಾಡಿ ನಾಲ್ವರು ಶಾಸಕರನ್ನು ರಾಜ್ಯ ವಿಧಾನಸಭೆಗೆ ಕರೆತಂದರುಮತ್ತು ಸ್ಪೀಕರ್ ವಿಜಯ್ ಕುಮಾರ್ ಸಿನ್ಹಾ ಅವರನ್ನು ಭೇಟಿ ಮಾಡಿ ಅಸಾದುದ್ದೀನ್ ಓವೈಸಿ ಅವರ ಪಕ್ಷದಿಂದ ಹೊರಬಂದು ಆರ್‌ಜೆಡಿಯೊಂದಿಗೆ ವಿಲೀನಗೊಳ್ಳುವ ಅವರ ಔಪಚಾರಿಕ ನಿರ್ಧಾರದ ಬಗ್ಗೆ ತಿಳಿಸಿದರು.

ಮೊಹಮ್ಮದ್ ಇಝಾರ್ ಅರ್ಫಿ, ಶಾನವಾಜ್ ಆಲಂ, ರುಕಾನುದ್ದೀನ್ ಅಹ್ಮದ್ ಮತ್ತು ಅಂಜಾರ್ ನಯಿಮಿ ಅವರು ಆರ್‌ಜೆಡಿಗೆ ಸೇರ್ಪಡೆಗೊಂಡ ಶಾಸಕರಾಗಿದ್ದು, 243 ಬಲದ ವಿಧಾನಸಭೆಯಲ್ಲಿ ಪಕ್ಷದ ಬಲವನ್ನು 80 ಕ್ಕೆ ಏರಿಸಿದರು. ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರ ಜೆಡಿಯು ಜೊತೆ ಅಧಿಕಾರ ಹಂಚಿಕೊಳ್ಳುವ ಬಿಜೆಪಿಗಿಂತ ಆರ್‌ಜೆಡಿ ಈಗ ಮೂರು ಸ್ಥಾನ ಹೆಚ್ಚು ಹೊಂದಿದಂತಾಗಿದೆ.

ಈಗ ಎಐಎಂಐಎಂನ ರಾಜ್ಯಾಧ್ಯಕ್ಷ ಅಖ್ತರುಲ್ ಇಮಾನ್ ಮಾತ್ರ ಎಐಎಂಐಎಂ ನಲ್ಲಿ ಉಳಿದಿದ್ದಾರೆ.