ಬರೋಬ್ಬರಿ 6 ಸಾವಿರ ಕೆಜಿ ತೂಕದ ಸೇತುವೆಯನ್ನೇ ಕದ್ದ ನಾಲ್ವರ ಬಂಧನ

Team Udayavani, Jul 9, 2023, 7:30 AM IST

ಮುಂಬೈ: ಸೇತುವೆಯಲ್ಲಿ ಅಳವಡಿಸಿರುವ ಕಂಬಿಗಳು, ಲೋಹಗಳನ್ನು ಕದಿಯುವವರನ್ನು ನೋಡಿರುತ್ತೀರಿ. ಆದರೆ ಮುಂಬೈನಲ್ಲಿ ಕೆಲ ಖದೀಮರು ಪಶ್ಚಿಮ ಸಬರ್ಬ್ನ ಚರಂಡಿ ಮೇಲೆ ಅಳವಡಿಸಿದ್ದ ಬರೋಬ್ಬರಿ 6 ಸಾವಿರ ಕೆಜಿಯ ಸೇತುವೆಯನ್ನೇ ಕದ್ದಿದ್ದು, ಇದೀಗ ಪೊಲೀಸರ ಅತಿಥಿಯಾಗಿದ್ದಾರೆ.

90 ಅಡಿ ಉದ್ದದ ಸೇತುವೆಯನ್ನು ಭಾರವಾದ ಪವರ್‌ ಕೇಬಲ್‌ಗ‌ಳನ್ನು ಸಾಗಿಸುವ ಉದ್ದೇಶದಿಂದ ಅಳವಡಿಸಲಾಗಿತ್ತು. ತಾತ್ಕಾಲಿಕವಾಗಿ ಅಳವಡಿಸಿದ್ದ ಈ ಸೇತುವೆಯನ್ನು ಕೆಲ ತಿಂಗಳ ಹಿಂದಷ್ಟೇ ಮತ್ತೂಂದು ಜಾಗಕ್ಕೆ ರವಾನಿಸಿ, ಮೂಲ ಜಾಗದಲ್ಲಿ ಶಾಶ್ವತ ಸೇತುವೆಯನ್ನು ನಿರ್ಮಿಸಲಾಗಿತ್ತು. ಇದಕ್ಕಾಗೇ ಕಾದು ಕುಳಿತಿದ್ದ ಕಳ್ಳರು ಸ್ಥಳಾಂತರಿಸಿದ್ದ ಜಾಗದಿಂದಲೇ ಸೇತುವೆಯನ್ನು ಕದ್ದೊಯ್ದಿದ್ದು, ಜೂ.26ರಂದು ನಿರ್ಮಾಣ ಸಂಸ್ಥೆಯು ಸೇತುವೆ ಕಾಣೆಯಾಗಿರುವುದರ ಬಗ್ಗೆ ದೂರು ದಾಖಲಿಸಿತ್ತು.

ಬಳಿಕ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಸೇತುವೆ ಸಾಗಿಸಿದ ವಾಹನದ ನಂಬರ್‌ ಪತ್ತೆಹಚ್ಚಿ, ಬಳಿಕ ಖದೀಮರನ್ನು ಬಂಧಿಸಿರುವುದಾಗಿ ಬಂಗೂರ್‌ ನಗರ ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: NCP ಭ್ರಷ್ಟಾಚಾರದ ಬಗ್ಗೆ ಮಾತನಾಡಿದ ಮೋದಿ ತಪ್ಪಿತಸ್ಥರ ವಿರುದ್ಧ ಕ್ರಮಕೈಗೊಳ್ಳಬೇಕು: ಶರದ್