Swachh Bharat Mission ನಿಂದ ವರ್ಷಕ್ಕೆ 70,000 ಶಿಶು ರಕ್ಷಣೆ!

Team Udayavani, Sep 6, 2024, 6:55 AM IST

ಹೊಸದಿಲ್ಲಿ: ಸ್ವಚ್ಛ ಭಾರತ್‌ ಮಿಷನ್‌ ಅಡಿಯಲ್ಲಿ ಶೌಚಾಲಯಗಳ ನಿರ್ಮಾಣವಾದ್ದರಿಂದ ಪ್ರತೀ ವರ್ಷ 60ರಿಂದ 70 ಸಾವಿರ ಶಿಶುಗಳ ಮರಣ ತಪ್ಪಿದೆ ಎಂದು ಅಧ್ಯಯನವೊಂದು ಹೇಳಿದೆ. ಅಮೆರಿಕ ದ ಇಂಟರ್‌ನ್ಯಾಶನಲ್‌ ಫ‌ುಡ್‌ ಪಾಲಿಸಿ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ನ ಸಂಶೋಧಕರ ತಂಡ ದೇಶಾದ್ಯಂತ ನಡೆ ಸಿದ ಸಮೀಕ್ಷೆಗಳ 20 ವರ್ಷಗಳ ಅಂಕಿ -ಅಂಶಗಳನ್ನು ಅಧ್ಯಯನ ನಡೆಸಿ ಈ ವರದಿ ನೀಡಿದೆ. 2000ದಿಂದ 2020ರ ವರೆಗೆ ಶಿಶುಗಳು ಹಾಗೂ 5 ವರ್ಷದೊಳ ಗಿನ ಮಕ್ಕಳ ಮರಣ ಪ್ರಮಾಣ ಕಡಿಮೆಯಾಗಿರುವುದಕ್ಕೂ, ಸ್ವಚ್ಛ ಭಾರತ್‌ ಮಿಷನ್‌ ಅಡಿ ಶೌಚಾಲಯ ನಿರ್ಮಾಣ ವಾಗಿರುವುದಕ್ಕೂ ಸಂಬಂಧ ವಿರುವುದನ್ನು ಕಂಡುಕೊಂಡಿದೆ.

ಜಿಲ್ಲಾ ಮಟ್ಟದಲ್ಲಿ ಶೌಚಾಲಯ ಬಳಕೆ ಶೇ.10ರಷ್ಟು ಹೆಚ್ಚಳವಾಗಿ ಪ್ರತೀವರ್ಷ ಶಿಶುಗಳ ಮರಣ ಪ್ರಮಾಣ ಶೇ.0.9 ರಷ್ಟು, 5 ವರ್ಷದೊಳಗಿನ ಮಕ್ಕಳ ಮರಣ ಶೇ.1.1ರಷ್ಟು ಇಳಿಕೆಯಾಗಿದೆ. ಪ್ರತೀವರ್ಷ 60-70 ಸಾವಿರ ಶಿಶುಗಳ ಮರಣ ತಪ್ಪಿದೆ ಎನ್ನಲಾಗಿದೆ. ಶೌಚಾಲ ಯ ಬಳಕೆ ಹೆಚ್ಚಳದಿಂದ ಮಹಿಳಾ ಸುರ ಕ್ಷತೆ, ವೈದ್ಯಕೀಯ ವೆಚ್ಚ ಕಡಿಮೆಯಾಗಿ ಆರ್ಥಿಕ ಉಳಿತಾಯ, ಸೇರಿ ಸಾಕಷ್ಟು ಪ್ರಯೋಜನವಾಗುತ್ತಿವೆ ಎಂದು ಹಲವು ಅಧ್ಯಯನಗಳು ಹೇಳಿವೆ.