10 ರ ಬಾಲಕಿ ಮೇಲೆ ಅತ್ಯಾಚಾರಗೈದ  90ರ ವೃದ್ಧನ ಬಂಧನ!!

Team Udayavani, Aug 2, 2017, 4:01 PM IST

ಮುಂಬಯಿ: ಹೋಗೊ ಕಾಲಕ್ಕೆ ಏನ್‌ ಬಂತಪ್ಪಾ ನಿಂಗೆ ಅಂತಾರೆ. ಇಲ್ಲೊಬ್ಬ ಮುದುಕ ಮಾಡಬಾರದ್ದು ಮಾಡಿ ಚಟ್ಟ ಹತ್ತೋ ಕಾಲದಲ್ಲಿ ಜೈಲು ಕಂಬಿ ಎಣಿಸುತ್ತಿದ್ದಾನೆ. 

ಹತ್ತು ವರ್ಷದ ಬಾಲಕಿಗೆ 90ರ ವೃದ್ಧನೊಬ್ಬ ಚಾಕಲೇಟ್‌ ಆಮಿಷವೊಡ್ಡಿ ಆಕೆ ಮೇಲೆ ಕಳೆದ ಆರು ತಿಂಗಳಿನಿಂದ ಲೈಂಗಿಕ ಅತ್ಯಾಚಾರವೆಸಗಿದ ಘಟನೆ ಕುರ್ಲಾ ಉಪನಗರದಲ್ಲಿ ಸೋಮವಾರ ಬೆಳಕಿಗೆ ಬಂದಿದೆ. 

ಆರೋಪಿ ಬಂಡು ಸಾವ್ಳಾ ಕಾಂಬ್ಳೆಯನ್ನು ಪೊಲೀಸರು ಬಂಧಿಸಿದ್ದಾರೆ.ಶನಿವಾರ ರಾತ್ರಿ ಪೀಡಿತ ಬಾಲಕಿ ತನ್ನೊಂದಿಗೆ ನಡೆದ ಘಟನೆ ಕುರಿತು ತನ್ನ ತಾಯಿಗೆ ಹೇಳಿದ್ದಾಳೆ.

 ಬಳಿಕ ಕುರ್ಲಾದಲ್ಲಿರುವ ವಿನೋಬಾ ಭಾವೆ ನಗರ ಪೊಲೀಸ್‌ ಠಾಣೆಯಲ್ಲಿ ಪೀಡಿತ ಬಾಲಕಿಯ ತಾಯಿ ಆರೋಪಿ ಕಾಂಬ್ಳೆ ವಿರುದ್ಧ ಪ್ರಕರಣ ದಾಖಲಿಸಿದ್ದಾಳೆ. ಬಾಲಕಿಯನ್ನು ಚಿಕಿತ್ಸೆಗಾಗಿ ಸಾಯನ್‌ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ.