ದೇಶೀಯ ವಿಮಾನಗಳಲ್ಲಿ ಆಹಾರ ಪೂರೈಕೆಗೆ ಅವಕಾಶ ನೀಡಿದ ಕೇಂದ್ರ

Team Udayavani, Nov 17, 2021, 5:03 AM IST

ಹೊಸದಿಲ್ಲಿ: ವಿಮಾನ ಪ್ರಯಾಣಿಕರಿಗೆ ಸಿಹಿಸುದ್ದಿ. ಇನ್ನು ಮುಂದೆ ಎಲ್ಲ ದೇಶೀಯ ವಿಮಾನಗಳಲ್ಲೂ ನಿಮಗೆ ಆಹಾರ ಮತ್ತು ನಿಯತಕಾಲಿಕೆಗಳನ್ನು ಪೂರೈಸಲಾಗುತ್ತದೆ.

ಈ ಕುರಿತು ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯ ಮಂಗಳವಾರ ಆದೇಶ ಹೊರಡಿಸಿದೆ.

ಈವರೆಗೆ 2 ಗಂಟೆಗಳಿಗಿಂತ ಕಡಿಮೆ ಅವಧಿಯ ಪ್ರಯಾಣವಾಗಿದ್ದರೆ, ಅಂತಹ ವಿಮಾನಗಳಲ್ಲಿ ಆಹಾರ ಸರಬರಾಜು ವ್ಯವಸ್ಥೆ ಇರಲಿಲ್ಲ. ಅಲ್ಲದೇ ಪ್ರಯಾಣಿಕರಿಗೆ ಓದಲು ನಿಯತಕಾಲಿಕೆಗಳೂ ಸಿಗುತ್ತಿರಲಿಲ್ಲ.

ಇದನ್ನೂ ಓದಿ:ಕ್ರಿಪ್ಟೋ: ಆರ್ಥಿಕತೆ ಮೇಲೆ ದುಷ್ಪರಿಣಾಮ; ಆರ್‌ಬಿಐ ಗವರ್ನರ್‌ ಶಕ್ತಿಕಾಂತ ದಾಸ್‌ ಆತಂಕ

ಆದರೆ ಈಗ ಕೊರೊನಾ ಪ್ರಕರಣಗಳು ಇಳಿಮುಖವಾಗಿರುವ ಕಾರಣ, ಎಷ್ಟೇ ಅವಧಿಯ ಪ್ರಯಾಣವಾಗಿದ್ದರೂ, ಎಲ್ಲ ದೇಶೀಯ ವಿಮಾನಗಳಲ್ಲೂ ಆಹಾರ ಮತ್ತು ನಿಯತಕಾಲಿಕೆ ಪೂರೈಕೆ ವ್ಯವಸ್ಥೆ ಪುನರಾರಂಭಗೊಳಿಸಲು ನಿರ್ಧರಿಸಲಾಗಿದೆ ಎಂದು ಸಚಿವಾಲಯ ಹೇಳಿದೆ.