‘ಆರೋಗ್ಯ ಸೇತು’ ಆ್ಯಪ್‌ ಡೌನ್‌ ಲೋಡ್‌ನ‌ಲ್ಲಿ  ದಾಖಲೆ

Team Udayavani, Apr 18, 2020, 1:31 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ಕೋವಿಡ್ ಸೋಂಕಿತರ ಬಗ್ಗೆ ಅಲರ್ಟ್‌ ಮಾಡುವ ಮೊಬೈಲ್‌ ಅಪ್ಲಿಕೇಷನ್‌ ಆದ ಆರೋಗ್ಯ ಸೇತು, ವಿಶ್ವದಲ್ಲೇ ಅತಿ ವೇಗವಾಗಿ ಹೆಚ್ಚು ಜನರನ್ನು ಮುಟ್ಟಿದ ಆ್ಯಪ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಕೇವಲ 13 ದಿನದಲ್ಲಿ 5 ಕೋಟಿ ಜನರು ಈ ಆ್ಯಪ್‌ ಡೌನ್‌ಲೋಡ್‌ ಮಾಡಿದ್ದಾರೆ’ ಎಂದು ನೀತಿ ಆಯೋಗದ ಮುಖ್ಯಸ್ಥ ಅಮಿತಾಭ್‌ ಕಾಂತ್‌ ತಿಳಿಸಿದ್ದಾರೆ.

‘ಟೆಲಿಫೋನ್‌ಗೆ 5 ಕೋಟಿ ಜನರನ್ನು ಮುಟ್ಟಲು 75 ವರ್ಷಗಳೇ ಬೇಕಾದವು. ರೇಡಿಯೋಗೆ ಇಷ್ಟೇ ಜನರನ್ನು ಮುಟ್ಟಲು 38 ವರ್ಷ ಬೇಕಾಯಿತು.

ಇನ್ನು, ಟಿವಿಯು 5 ಕೋಟಿ ಜನರನ್ನು ಮುಟ್ಟಲು 13 ವರ್ಷ ಹಿಡಿದರೆ, ಇಂಟರ್ನೆಟ್‌ಗೆ 4 ವರ್ಷ, ಫೇಸ್‌ಬುಕ್‌ಗೆ 19 ತಿಂಗಳು, ಪೋಕಮನ್‌ ಗೋ ಆ್ಯಪ್‌ಗೆ 19 ದಿನಗಳು ಬೇಕಾದವು. ಆದರೆ, ಆರೋಗ್ಯ ಸೇತುವಿಗೆ ಕೇವಲ 15 ದಿನಗಳು ಸಾಕಾದವು’ ಎಂದು ಅಮಿತಾಭ್‌ ಕಾಂತ್‌ ಹೊಸದಿಲ್ಲಿಯಲ್ಲಿ ತಿಳಿಸಿದ್ದಾರೆ.