ಜೆ.ಎನ್.ಯು. ಕ್ಯಾಂಪಸ್ ಘರ್ಷಣೆ : ವಿದ್ಯಾರ್ಥಿ ನಾಯಕಿ ಸಹಿತ ಹಲವರಿಗೆ ಗಂಭೀರ ಗಾಯ

Team Udayavani, Jan 5, 2020, 9:08 PM IST

ನವದೆಹಲಿ: ಇಲ್ಲಿನ ಜವಹರಲಾಲ್ ವಿಶ್ವವಿದ್ಯಾನಿಲಯದ ಆವರಣದಲ್ಲಿ ಇಂದು ಸಂಜೆ ವಿದ್ಯಾರ್ಥಿ ಬಣಗಳ ನಡುವೆ ಘರ್ಷಣೆ ಸಂಭವಿಸಿದೆ. ಎಬಿವಿಪಿ ಹಾಗೂ ಎಡಪಂಥೀಯ ಸಂಘಟನೆಗಳಿಗೆ ಸೇರಿದ ವಿದ್ಯಾರ್ಥಿಗಳ ನಡುವೆ ಘರ್ಷಣೆ ಏರ್ಪಟ್ಟಿತು.

ಈ ಘರ್ಷಣೆಲ್ಲಿ ಜವಹರಲಾಲ್ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿ ನಾಯಕಿಯಾಗಿರುವ ಐಶ್ಯ ಘೋಷ್ ಅವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಈ ಗಲಭೆಯಲ್ಲಿ ಹೊರಗಿನವರ ಕೈವಾಡ ಇರುವ ಶಂಕೆಯೂ ಇದೀಗ ವ್ಯಕ್ತವಾಗಿದೆ.

ಇಲ್ಲಿನ ಸಾಬರಮತಿ ಹಾಸ್ಟೆಲ್, ಮಹಿ ಮಾಂಡ್ವಿ ಹಾಸ್ಟೆಲ್, ಪೆರಿಯಾರ್ ಹಾಸ್ಟೆಲ್ ಗಳಲ್ಲಿದ್ದ ವಿದ್ಯಾರ್ಥಿಗಳ ಮೇಲೆ ಈ ದಾಳಿ ನಡೆದಿದ್ದು ಹಲವರು ಗಾಯಗೊಂಡಿದ್ದಾರೆ.

#WATCH Delhi: Jawaharlal Nehru University Students’ Union president & students attacked by people wearing masks on campus. ‘What is this? Who are you? Step back, Who are you trying to threaten?… ABVP go back,’ can be heard in video. (note: abusive language) pic.twitter.com/gYqBOmA37c

— ANI (@ANI) January 5, 2020

ಕೆಲವೊಬ್ಬರು ಮುಸುಕುಧಾರಿ ವ್ಯಕ್ತಿಗಳು ಜೆ.ಎನ್.ಯು.ನಲ್ಲಿರುವ ಸಾಬರಮತಿ ಹಾಗೂ ಇತರೇ ಹಾಸ್ಟೆಲ್ ಗಳಿಗೆ ನುಗ್ಗಿ ವಿದ್ಯಾರ್ಥಿಗಳನ್ನು ಬಡಿಗೆ ಮತ್ತು ಕಬ್ಬಿಣದ ರಾಡ್ ಗಳಿಂದ ಹಲ್ಲೆ ನಡೆಸಿದರು ಎಂದು ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿ ಸಂಘಟನೆಯು (JNSU) ಆರೋಪಿಸಿದೆ.