ಪ್ರೇಯಸಿಯ ತಂದೆಯನ್ನು ಕೊಂದು ಅಪಘಾತವೆಂದು ಬಿಂಬಿಸಿದ್ದ ಪ್ರಿಯಕರ ಪೊಲೀಸ್ ಬಲೆಗೆ

Team Udayavani, Jul 20, 2020, 10:20 AM IST

ಮುಂಬೈ: ತಾನು ಪ್ರೀತಿಸುತ್ತಿದ್ದ ಹುಡುಗಿ ತಂದೆಯನ್ನು ಕೊಂದು ಅಪಘಾತದಂತೆ ಬಿಂಬಿಸಿದ್ದ ಪ್ರಿಯಕರ ಮತ್ತು ಆತನ ಸಹಚರರನ್ನು ಪೊಲೀಸರು ಬಂಧಿಸಿದ ಘಟನೆ ಮಹಾರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.

ನೌಶಾದ್ ಖಾನ್ ಎಂಬಾತ ಪ್ರಮುಖ ಆರೋಪಿಯಾಗಿದ್ದು, ಆತನಿಗೆ ಸಹಾಯ ಮಾಡಿದ್ದ ರಾಮ್ ಕುಮಾರ್, ನೂರ್ ಖಾನ್ ಮತ್ತು ಮೊಹಮ್ಮದ್ ತಾಖಿ ಎಂಬವರನ್ನು ಪೊಲೀಸರನ್ನು ಬಂಧಿಸಿದ್ದಾರೆ.

ಅಹಾದುಲ್ಲಾ ಖಾನ್ ಎಂಬಾತ ಕೊಲೆಯಾದವರು. ಈತ ಪೈಂಟಿಂಗ್ ಕ್ವಾಂಟ್ರಾಕ್ಟರ್ ಆಗಿದ್ದ. ಈತನ ಮಗಳನ್ನು ನೌಶಾದ್ ಖಾನ್ ಪ್ರೀತಿಸುತ್ತಿದ್ದ ಎನ್ನಲಾಗಿದೆ. ಈತ ಅಹಾದುಲ್ಲಾ ಖಾನ್ ಗೆ ಎರಡು ಲಕ್ಷ ಸಾಲ ನೀಡಿದ್ದ, ಆದರೆ ಅಹಾದುಲ್ಲಾ ಹಿಂದೆ ನೀಡಿರಲಿಲ್ಲ ಎಂದು ವರದಿಯಾಗಿದೆ.

ಜೂನ್ 16ರಂದು ಘಟನೆ ನಡೆದಿದ್ದು, ಅಹಾದುಲ್ಲಾ ಖಾನ್  ಗೆ ನೌಶಾದ್ ಕಬ್ಬಿಣದ ರಾಡ್ ನಲ್ಲಿ ತಲೆಗೆ ಹೊಡೆದು ಕೊಲೆ ಮಾಡಿದ್ದ, ನಂತರ ಶವದ ಮೇಲೆ ತನ್ನದೇ ಕಾರು ಹರಿಸಿ ಅಪಘಾತದಂತೆ ಬಿಂಬಿಸಿದ್ದ.

ಅಹಾದುಲ್ಲಾ ಖಾನ್ ಸಹೋದರ ಪೊಲೀಸರಿಗೆ ದೂರು ನೀಡಿದ್ದು, ಅಹಾದುಲ್ಲಾ ಪತ್ನಿಯೊಂದಿಗೂ ಈ ಆರೋಪಿಗಳು ಸಂಬಂಧ ಇಟ್ಟುಕೊಂಡಿದ್ದರು ಎಂದು ದೂರಿದ್ದಾರೆ.