ಚಿದಂಬರಂ ವಿರುದ್ಧ ಕ್ರಮ: ಕೇಂದ್ರ 

Team Udayavani, Mar 13, 2018, 8:15 AM IST

ಹೊಸದಿಲ್ಲಿ: ಖಾಸಗಿ ವಜ್ರ ಕಂಪನಿಗಳಿಗೆ ಆಮದು ನೀತಿ ಸಡಿಲ ಮಾಡಿದ ಆಗಿನ ಹಣಕಾಸು ಸಚಿವ ಪಿ.ಚಿದಂಬರಂ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಕೇಂದ್ರ ಸರಕಾರ ಹೇಳಿದೆ. ಚುನಾವಣೆಗೂ ಕೆಲವೇ ತಿಂಗಳುಗಳ ಮೊದಲು ಚಿದಂಬರಂ ಈ ಕ್ರಮ ಕೈಗೊಂಡಿದ್ದು, ಸರಕಾರಕ್ಕೆ ಇದರಿಂದ 4500 ಕೋಟಿ ರೂ. ನಷ್ಟವಾಗಿತ್ತು ಎಂದು ಕೇಂದ್ರ ಹೇಳಿದೆ.

ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 12,600 ಕೋಟಿ ರೂ. ಮೋಸ ಮಾಡಿದ ವಜ್ರ ವ್ಯಾಪಾರಿಗಳಾದ ನೀರವ್‌ ಮೋದಿ ಮತ್ತು ಮೆಹುಲ್‌ ಚೋಕ್ಸಿಗೆ ಯುಪಿಎ ಸರಕಾರದ ಈ ಯೋಜನೆಯಿಂದ ನೆರವಾಗಿತ್ತು ಎಂದು ಆರೋಪಿಸಲಾಗಿದೆ. ಇದೇ ಕಾರಣಕ್ಕೆ ಎನ್‌ಡಿಎ ಸರಕಾರ ಅಧಿಕಾರಕ್ಕೆ ಬರುತ್ತಿದ್ದಂತೆಯೇ ಈ ಯೋಜನೆಯನ್ನು ರದ್ದುಗೊಳಿಸಲಾಗಿದೆ. 

ಏನತ್ಮಧ್ಯೆ, ಪಿಎನ್‌ಬಿ ಹಗರಣದ 5200 ಕೋಟಿ ರೂ. ಮೌಲ್ಯದ ರಸೀದಿಗಳು ನಕಲಿ ಎಂಬುದು ಐಟಿ ಇಲಾಖೆಗೆ ತಿಳಿದು ಬಂದಿದೆ.