ಆರ್‌.ಕೆ.ನಗರದಲ್ಲಿ ನಟ ವಿಶಾಲ್‌ ಕಣಕ್ಕೆ

Team Udayavani, Dec 4, 2017, 10:57 AM IST

ಚೆನ್ನೈ: ತಮಿಳುನಾಡು ಮಾಜಿ ಸಿಎಂ ಜಯಲಲಿತಾ ಅವರ ನಿಧನದಿಂದ ತೆರವಾದ ಆರ್‌.ಕೆ. ನಗರ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆ ಕಣದಿಂದ ಹೊಸ ಹೊಸ ಸುದ್ದಿಗಳು ಹೊರಬೀಳುತ್ತಿವೆ.

ಅಚ್ಚರಿಯ ಬೆಳವಣಿಗೆಯೆಂಬಂತೆ, ತಮಿಳು ನಟ ವಿಶಾಲ್‌ ಕೃಷ್ಣ ಅವರು ತಾವು ಆರ್‌.ಕೆ. ನಗರದಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿ ಕಣಕ್ಕಿಳಿಯುವುದಾಗಿ  ರವಿವಾರ ಘೋಷಿಸಿ ದ್ದಾರೆ. ಸೋಮವಾರವೇ ನಾಮಪತ್ರ ಸಲ್ಲಿಸು ವುದಾಗಿ ಅವರು ಹೇಳಿದ್ದಾರೆ. ಡಿ.21ರಂದು ಇಲ್ಲಿ ಮತದಾನ ನಡೆಯಲಿದೆ. ಜನರ ಆಕಾಂ ಕ್ಷೆಯಂತೆಯೇ ನಾನು ರಾಜಕೀಯ ಪ್ರವೇಶಿ ಸುತ್ತಿದ್ದೇನೆ ಎಂದು ವಿಶಾಲ್‌ ಹೇಳಿದ್ದಾರೆ. ಇತ್ತೀಚೆಗಷ್ಟೇ ವಿಶಾಲ್‌ ಚಿತ್ರ ನಿರ್ಮಾಣ ಸಂಸ್ಥೆ, ನಿವಾಸದ ಮೇಲೆ ಐಟಿ ದಾಳಿ ನಡೆದಿತ್ತು.

ಡಿಎಂಕೆಗೆ ಎಂಡಿಎಂಕೆ ಬೆಂಬಲ: ಇದೇ ವೇಳೆ, ಬರೋಬ್ಬರಿ 10 ವರ್ಷಗಳ ಬಳಿಕ ಆರ್‌.ಕೆ. ನಗರ ಕ್ಷೇತ್ರದಲ್ಲಿ ಡಿಎಂಕೆಗೆ ಬೆಂಬಲ ನೀಡುವುದಾಗಿ ಎಂಡಿಎಂಕೆ ಮುಖ್ಯಸ್ಥ ವೈಕೋ ಘೋಷಿಸಿದ್ದಾರೆ.  ರವಿವಾರ ನಡೆದ ಪಕ್ಷದ ಉನ್ನತ ಮಟ್ಟದ ನಾಯಕರ ಸಭೆಯಲ್ಲಿ ಸರ್ವಾನುಮತದ ತೀರ್ಮಾನ ಕೈಗೊಳ್ಳಲಾಗಿದೆ ಎಂದಿದ್ದಾರೆ. ವೈಕೋ ಅವರ ಈ ನಿರ್ಧಾರವನ್ನು ಡಿಎಂಕೆ ಕಾರ್ಯಾಧ್ಯಕ್ಷ ಎಂ.ಕೆ. ಸ್ಟಾಲಿನ್‌ ಸ್ವಾಗತಿಸಿದ್ದಾರೆ.