ಪಾರ್ವತಿ ಪಾತ್ರವನ್ನು ನಿರ್ವಹಿಸುತ್ತಿದ್ದ ಕಲಾವಿದ ವೇದಿಕೆಯ ಮೇಲೆ ಸಾವು

Team Udayavani, Sep 8, 2022, 5:37 PM IST

ಜಮ್ಮು: ಭಗವಾನ್ ಶಿವನ ನೃತ್ಯ ಒಪೆರಾದಲ್ಲಿ ಪಾರ್ವತಿ ದೇವಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದ ಪುರುಷ ಕಲಾವಿದರೊಬ್ಬರು ಜಮ್ಮು ನಗರದ ಹೊರವಲಯದಲ್ಲಿ ವೇದಿಕೆಯ ಮೇಲೆ ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ. ಕೊನೆಯ ಕ್ಷಣಗಳ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.

20 ವರ್ಷದ ಯೋಗೇಶ್ ಗುಪ್ತಾ ಮಂಗಳವಾರ ರಾತ್ರಿ ಬಿಷ್ನಾ ತೆಹಿಲ್‌ನ ಕೋಥಾ ಸೋನಿಯಾ ಕುಗ್ರಾಮದಲ್ಲಿ ರಾತ್ರಿ ಜಾಗರಣದಲ್ಲಿ ಭಗವಾನ್ ಶಿವನ ನೃತ್ಯ-ಕಮ್-ಮ್ಯೂಸಿಕಲ್ ಒಪೆರಾದಲ್ಲಿ ಪ್ರದರ್ಶನ ನೀಡುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.

ನೃತ್ಯ ಪ್ರದರ್ಶನದ ಸಮಯದಲ್ಲಿ, ಅವರು ಪ್ರೇಕ್ಷಕರ ಚಪ್ಪಾಳೆಗಳ ನಡುವೆ ವೇದಿಕೆಯ ನೆಲದ ಮೇಲೆ ಉರುಳುತ್ತಿದ್ದರು ಆದರೆ ಮೇಲೇಳಲು ಸಾಧ್ಯವಾಗಲಿಲ್ಲ ಎಂದು ಅವರು ಹೇಳಿದರು.

ಪ್ರಯತ್ನದ ಹೊರತಾಗಿಯೂ ಅವರು ಎದ್ದೇಳಲು ವಿಫಲರಾದ ಕಾರಣ, ಭಗವಾನ್ ಶಿವನ ಪಾತ್ರವನ್ನು ನಿರ್ವಹಿಸುತ್ತಿದ್ದ ನಟ ಮತ್ತು ಕೆಲವರು ವೇದಿಕೆಗೆ ಧಾವಿಸಿ ಅವರನ್ನು ಆಸ್ಪತ್ರೆಗೆ ಸ್ಥಳಾಂತರಿಸಿದರು, ಅಲ್ಲಿ ವೈದ್ಯರು ಅವರು ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು.

ಗಣೇಶ ಹಬ್ಬದ ಆಚರಣೆಯಲ್ಲಿ ನೃತ್ಯ ಪ್ರದರ್ಶನದ ವೇಳೆ ಹನುಮಂತನ ಪಾತ್ರ ಧರಿಸಿದ್ದ ರವಿ ಶರ್ಮಾ ಎಂದು ಗುರುತಿಸಲಾದ ಕಲಾವಿದ ಯುಪಿಯ ಮೈನ್‌ಪುರಿಯಲ್ಲಿ ಪ್ರದರ್ಶನದ ವೇಳೆ ಕುಸಿದುಬಿದ್ದು ಸಾವನ್ನಪ್ಪಿದ್ದರು.