ತೀವ್ರಗೊಂಡ ಮೆದುಳು ಜ್ವರ

Team Udayavani, Jun 22, 2019, 5:00 AM IST

ಪಾಟ್ನಾ: ಬಿಹಾರದಲ್ಲಿ ಮಿದುಳು ಜ್ವರಕ್ಕೆ ಬಲಿಯಾದ ಮಕ್ಕಳ ಸಂಖ್ಯೆ ಶುಕ್ರವಾರ 136ಕ್ಕೇರಿಕೆಯಾಗಿದೆ. ಅಷ್ಟೇ ಅಲ್ಲ, ಮುಜಫ‌ರ ನಗರ ಜಿಲ್ಲೆಯಲ್ಲಿ ಮಾತ್ರ ಕಾಣಿಸಿ ಕೊಂಡಿದ್ದ ಮಿದುಳು ಜ್ವರವು ಈಗ ಬಿಹಾರದ 16 ಜಿಲ್ಲೆಗಳಿಗೆ ವ್ಯಾಪಿಸಿದ್ದು, ಪ್ರಸ್ತುತ 600ಕ್ಕೂ ಹೆಚ್ಚು ಮಕ್ಕಳು ಈ ಜ್ವರದಿಂದ ಬಳಲುತ್ತಿರುವ ಆಘಾತಕಾರಿ ಮಾಹಿತಿ ಹೊರಬಿದ್ದಿದೆ. ಇದೇ ವೇಳೆ, ರಾಜ್ಯಸಭೆಯಲ್ಲೂ ಶುಕ್ರವಾರ ಈ ವಿಚಾರ ಪ್ರಸ್ತಾಪವಾಗಿದೆ. ಲಿಚ್ಚಿ ಹಣ್ಣು ತಿನ್ನುವುದರಿಂದ ಮಿದುಳು ಜ್ವರ ಬರುತ್ತಿದೆ ಎಂಬ ವದಂತಿಯನ್ನು ಬಿಜೆಪಿ ನಾಯಕ ರಾಜೀವ್‌ ಪ್ರತಾಪ್‌ ರೂಡಿ ತಳ್ಳಿಹಾಕಿದ್ದಾರೆ. ಲಿಚ್ಚಿ ಹಣ್ಣಿನ ಬ್ರಾಂಡ್‌ ಹೆಸರು ಹಾಳು ಮಾಡಲು ನಡೆಸಲಾದ ಸಂಚು ಇದು ಎಂದು ಅವರು ಆರೋಪಿಸಿದ್ದಾರೆ.