Aditya L1: ಮ್ಯಾಗ್ನೆಟೋಮೀಟರ್‌ ಬೂಮ್‌ ಯಶಸ್ವಿಯಾಗಿ ಅಳವಡಿಕೆ

Team Udayavani, Jan 27, 2024, 12:10 AM IST

ಹೊಸದಿಲ್ಲಿ: ಸೂರ್ಯಾಧ್ಯಯನಕ್ಕೆ ತೆರಳಿರುವ ಆದಿತ್ಯ-ಎಲ್‌ 1 ಉಪಗ್ರಹದಲ್ಲಿ ಮ್ಯಾಗ್ನೆಟೋಮೀಟರ್‌ ಬೂಮ್‌ ಅನ್ನು ಅಳವಡಿಸುವಲ್ಲಿ ಇಸ್ರೋ ಯಶಸ್ವಿಯಾಗಿದೆ. ಬಾಹ್ಯಾಕಾಶದಲ್ಲಿನ ಅಲ್ಪ ತೀವ್ರತೆಯ ಅಂತರ್ಗ್ರಹೀಯ ಕಾಂತ ಕ್ಷೇತ್ರವನ್ನು ಅಳೆಯುವ ಉದ್ದೇಶದಿಂದ ಇದನ್ನು ಅಳವಡಿಸಲಾಗಿದೆ. 6 ಮೀಟರ್‌ ಉದ್ದದ ಮ್ಯಾಗ್ನೆಟೋಮೀಟರ್‌ ಬೂಮ್‌ ಅನ್ನು ಜ.11ರಂದು ಲಾಗ್‌ರೇಂಜ್‌ ಪಾಯಿಂಟ್‌ ಎಲ್‌-1ರ ಕಕ್ಷೆಯಲ್ಲಿ ನಿಯೋಜಿಸಲಾಗಿತ್ತು. ಆದಿತ್ಯ ಎಲ್‌-1 ನೌಕೆಯ ಉಡಾವಣೆಯ ಬಳಿಕ 132 ದಿನಗಳವರೆಗೆ ಈ ಬೂಮ್‌ ಸ್ಥಿರ ಸ್ಥಿತಿಯಲ್ಲಿತ್ತು ಎಂದು ಇಸ್ರೋ ತಿಳಿಸಿದೆ.

ಬೂಮ್‌ನಲ್ಲಿ ಎರಡು ಅತ್ಯಾಧುನಿಕ ಅಧಿಕ ದಕ್ಷತೆಯ ಫ್ಲಕ್ಸ್‌ಗೆàಟ್‌ ಮ್ಯಾಗ್ನೆಟೋಮೀಟರ್‌ ಸೆನ್ಸರ್‌ಗಳಿದ್ದು, ಅವುಗಳು ಬಾಹ್ಯಾಕಾಶದ ಕಡಿಮೆ ತೀವ್ರತೆಯ ಅಂತರ್‌ರ್ಗ್ರಹೀಯ ಕಾಂತ ಕ್ಷೇತ್ರವನ್ನು ಅಳೆಯುತ್ತವೆ. ಈ ಸೆನ್ಸರ್‌ಗಳನ್ನು ಬಾಹ್ಯಾಕಾಶನೌಕೆಯಿಂದ 3ರಿಂದ 6 ಮೀಟರ್‌ ದೂರದಲ್ಲಿ ನಿಯೋಜಿಸಲಾಗುತ್ತದೆ. ಬಾಹ್ಯಾಕಾಶ ನೌಕೆಯಿಂದ ಉತ್ಪತ್ತಿಯಾಗುವ ಕಾಂತೀಯ ಕ್ಷೇತ್ರದ ಪ್ರಭಾವವು ಇದರ ಮೇಲೆ ಬೀಳದಂತೆ ತಡೆಯಲೆಂದೇ ಇಷ್ಟು ಅಂತರವನ್ನು ಕಾಯ್ದುಕೊಳ್ಳಲಾಗುತ್ತದೆ ಎಂದೂ ಇಸ್ರೋ ಹೇಳಿದೆ.