Instagram Liveನಲ್ಲಿ ಅಕ್ಷಯ್ ಕುಮಾರ್ ಬಹಿರಂಗಪಡಿಸಿದರು ಒಂದು ರಹಸ್ಯ: ಏನದು ?

Team Udayavani, Sep 10, 2020, 9:00 PM IST

ನವದೆಹಲಿ: ಬಾಲಿವುಡ್ ನಟ ಅಕ್ಷಯ್ ಕುಮಾರ್ ರಹಸ್ಯವೊಂದನ್ನು ಬಿಚ್ಚಿಟ್ಟಿದ್ದಾರೆ. ಇನ್ ಸ್ಟಾಗ್ರಾಂ ಲೈವ್ ನಲ್ಲಿ ಹುಮಾ ಖುರೇಶಿ ಮತ್ತು ಬೇರ್ ಗ್ರಿಲ್ಸ್ ಜೊತೆಗಿನ ಸಂವಾದದಲ್ಲಿ  ತಾನು ಪ್ರತಿನಿತ್ಯ ಗೋಮೂತ್ರ ಸೇವಿಸುವುದಾಗಿ ತಿಳಿಸಿದ್ದಾರೆ.

ಬೇರ್ ಗ್ರಿಲ್ಸ್ ಜೊತೆಗಿನ ಇನ್ ಟು ದ ವೈಲ್ಡ್ ಕಾರ್ಯಕ್ರಮದಲ್ಲಿ ಅಕ್ಷಯ್ ಅತ್ಯದ್ಭುತ ಸಾಹಸ ಪ್ರದರ್ಶಿಸಿದ್ದರು. ಮರ ಮತ್ತು ಹಗ್ಗದ ಏಣಿಯನ್ನು ಹತ್ತಿ ಹೊಳೆಯನ್ನು ದಾಟುವುದರ ಜೊತೆಗೆ  ಅಕ್ಷಯ್ ಕುಮಾರ್ ಅವರು elephant-poop ಚಹಾವನ್ನು ಸಹ ಸೇವಿಸಿದ್ದರು.

ಈ ಕುರಿತು ಆಶ್ಚರ್ಯ ವ್ಯಕ್ತಪಡಿಸಿದ ಹುಮಾ ಖುರೇಶಿ ಇದೆಲ್ಲಾ ಹೇಗೆ ಸಾಧ್ಯವಾಯಿತು ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತ್ಯುತ್ತರ ನೀಡಿದ ಅಕ್ಷಯ್, ಆಯುರ್ವೇದದ ಕಾರಣದಿಂದ ಪ್ರತಿದಿನ ಗೋಮೂತ್ರ ಸೇವಿಸುತ್ತೇನೆ ಎಂದು ಬಹಿರಂಗಪಡಿಸಿದ್ದಾರೆ. ಈ ಬಗ್ಗೆ ಇದೇ ಮೊದಲ ಬಾರಿಗೆ ಪ್ರಸ್ತಾಪಿಸಿದ್ದರಿಂದ ಅಭಿಮಾನಿಗಳಲ್ಲಿ ಕೂಡ ಆಶ್ಚರ್ಯ ವ್ಯಕ್ತವಾಗಿದೆ.

ವಿಶೇಷ ಚಹಾವನ್ನು ಸೇವಿಸುವಾಗ ನನಗೆ ಚಿಂತೆಯಾಗಲಿಲ್ಲ. ಯಾಕೆಂದರೇ ನಾನು ತುಂಬಾ ಉತ್ಸುಕನಾಗಿದ್ದೆ. ಆಯುರ್ವೇದ ಕಾರಣಗಳಿಗಾಗಿ, ನಾನು ಪ್ರತಿದಿನ ಗೋಮೂತ್ರವನ್ನು ಕುಡಿಯುತ್ತೇನೆ ಎಂದಿದ್ದಾರೆ.

View this post on Instagram

@beargrylls @iamhumaq @discoveryplusindia @discoverychannelin

A post shared by Akshay Kumar (@akshaykumar) on Sep 10, 2020 at 2:06am PDT

ಇನ್ ಟು ದ ವೈಲ್ಡ್ ಕಾರ್ಯಕ್ರಮವು ಸೆಪ್ಟೆಂಬರ್ 11 ಮತ್ತು 14ರಂದು ಪ್ರಸಾರವಾಗಲಿದ್ದು, ಈ ಕಾರಣಕ್ಕಾಗಿ ಅಕ್ಷಯ್ ಕುಮಾರ್, ಹುಮಾ ಖುರೇಶಿ, ಬೇರ್ ಗ್ರಿಲ್ಸ್ ಇನ್ ಸ್ಟಾಗ್ರಾಂ ಲೈವ್ ನಲ್ಲಿ ಪಾಲ್ಗೊಂಡಿದ್ದರು.